КЕНТАУ ҚАЛАСЫНДА САМБО КҮРЕСІНЕН ЖАСТАР АРАСЫНДА ТҮРКІСТАН ОБЛЫСЫ ЧЕМПИОНАТЫ ӨТТІ

Кентау қаласында самбо күресінен жастар және қыздар арасындағы облыс чемпионаты басталды. Түркістан облысында соңғы кездері әлемдік аренаға алып шығар спорт кешендері көптеп салынуда. Күрес түрлеріне арналған спорт бөлімдері жерлестерімізді жеңістерге бастап келеді. Самбо күресінен жастар мен қыздар арасында тартысты өтіп жатқан облыс чемпионатының ашылуына Түркістан облысының дене шынықтыру және спорт басқармасы басшысының орынбасары Айдос Қалтаев балуандарға сәттілік тілеп, Қазақстан чемпионатында облыс намысын жоғары деңгейде қорғайды деп сенім білдірді. Сонымен қатар, Түркістан облысының самбо күресі федерациясының вице-президенті Самат Рысбеков талантты жас спортшыларға қолдау көрсетуде. Сайысқа сайдың тасындай іріктелген 10 команда, 100-ге жуық спортшы қатысуда. Боз кілем төрінде ұлдар 8 салмақта белдессе, қыздарда 8 салмақ бойынша бақ сынауда.
Жарысты ұйымдастырушылардың айтуынша, бұл облыс чемпионатының мақсаты 18-і мен 21-ші ақпан аралығында Ақтау қаласында жалауы желбірейтін самбо күресі және жауынгерлік самбодан Қазақстан чемпионатына іріктеу. Облысымызда соңғы кездері самбо күресі қарқынды дамуда. Бұған дәлел Азия, әлем чемпионаттарын бағындырған түркістандық саңлақтардың қатары көп. Сайдың тасындай іріктелген балуандар бәсекесі жайында Түркістан облысының самбо күресінен жастар құрамасының аға жаттықтырушысы Нұрғали Тәкеев кеңінен тоқталды.
Дүбірлі доданың бас төрешісі Қанат Арғынбаев болса жас балуандардың арасындағы күрес додасына өңіріміздің ең талантты деген жас спортшылары жеңіс үшін барын салуда. Жоғары деңгейде ұйымдастырылған облыс чемпионатының маңыздылығы да жоғары. Айта өтерлігі биыл Алматы қаласында кезекті рет самбо күресінен жастар арасында Азия чемпионаты өтеді деп жоспарланып отыр. Сары құрлық елдерінің жас балуандары арасында өтетін додаға облысымыздың жас спортшылары да қатысып, облыс намысын қорғамақ.
🔹Аталған жарыста Кентау қаласының спортшылары намысты қолдан бермей төмендегі нәтижелерге қол жеткізді:
Шерехан Рамазан (53келі с.д.) – І орын
Пазылбекова Арайлым (72келі с.д.) – І орын
Абдикарим Нұрдаулет (71келі с.д.) – ІІ орын
Әбдіхан Диас (79 келі с.д.) – ІІ орын
Сұлтанбек Айқын (64 келі с.д.) – ІІІ орын