Дарынды, талантты жастарды қолдау, сахна мәдениетi мен шеберлiгi, ән мен би, сөйлеу мәнерi, ой ұшқырлығы, мимика сияқты өнер атаулының түрлi жанрларын дамыту мақсатында аудандық ішкі саясат бөлімінің Жастар ресурстық орталығы КММ-нің ұйымдастыруымен аудан жастары арасында Жайдарман КТК сайысының 1/8 финалдық ойындары болып өтті. Аудан аумағынан жалпы 12 команда қатысып, ойын қызықты әрі әзіл-қалжыңға тола болды.Жайдарманның ең басты ерекшелігі — өз шығармашылығына өмірдегі, саясаттағы, жалпы қоғамдағы болып жатқан құбылыстарды өзек етуінде және де халықтың заманауи сұранысының талаптарына сай болуында. Сахна мәдениеті мен шеберлік, би, ән, мимика, сөйлеу мәнері, ой ұшқырлығы сияқты өнер атаулының түрлі жанрларын қамтитын аталмыш ойын тек шығармашыл жастардың орталығы. Бұл байқау тек сәлемдесу сайысынан тұрады.
«Жастар ресурстық орталығы» мекемесі ұйымдастыруымен өткен әзілкештер додасы еркін тақырып бойынша екі сәлемдесу бөлімінен тұрды. Жайдарман сүйер жанкүйерлер залға лық толы отырғанымен көңілдері жай боп, керемет әсер алып, ойыннан ерекше әсер алғандары көрініп тұрды. Әрбір көрермен өздері ұнатқан командаларына шынайы шапалақ ұрып, қолдау көрсетіп отырды.
Осылайша барлық команда 1/4 ширек финалға жолдама алды. Еске салсақ, өткен жылы Төлеби ауданының ішкі саясат бөлімі «Жастар ресурстық орталығы» КММ-нің ұйымдастыруымен Төлеби ауданымыздың 90 жылдық мерей тойына орай аудан жастары арасында Жайдарман 2022-2023 ойынының фестивалі өткізілген еді. Ойынға аудан, қаламыздың колледж студенттері, мектеп оқушылары қатысты. Ойын барысында жайдарманшылар ауданымыздың 90 жылдық мерекесімен құттықтап, ауданымызда болып жатқан мәселелерді әзілмен халыққа жеткізген-ді. Ойын соңында жайдарманшыларға келесі кезеңдерге жолдама беріліп алғыс хаттар ұсынылды. Іс-шараның мақсаты жастардың интелектін дамыту, өнерге деген құлшынысын арттыру, әрдайым ізденіс үстінде болуға шақыру, қоғамда болып жатқан мәселелерді әзілмен жеткізу болатын.
