2023 жылдың 11 қаңтарының азанғы уақытында Шымкент гарнизонының әскери бөлімдерінің бірінің басшылығы өткен жылдың көктемінен бастап мерзімді әскери қызмет өткеріп жатқан қатардағы Тыныштықбай Самрат тарапынан орынсыз мінез-құлыққа назар аударды.
Медициналық тексеру үшін сарбаз аудандық емханаға жеткізілді. Тексеру нәтижелері бойынша (МРТ және маманның кеңесі) дене жарақаттары мен патологиялары анықталған жоқ.
Сонымен қатар, мамандар әскери қызметшіні одан әрі тексеру үшін мамандандырылған медициналық мекемеге жіберу туралы шешім қабылдады.
Осы факті бойынша әскери құқық қорғау өкілдері қызметтік тексеру жүргізу үстінде. Оқиға сарбаздың ата-аналарына хабарланды.
Шымкент гарнизонының баспасөз қызметі
