Жастар арасында салауатты өмір салтын қалыптастыру, бұқаралық спортты дамыту, жастардың бос уақытын тиімді пайдалану мақсатында Жігерген ауылы округінің жастары арасында «Тәуелсіздік ұрпақтары» атты кіші фктболдан жыларалық турнир болып өтті. Жастар арасында достықты нығайту, өңірімізде футбол спортын дамыту мақсатында ұйымдастырылған футбол турниріне 22 команда қатысты. Командалар 4 топқа бөлініп, топтық кезеңде өзара мықтыларды анықтап, жеңіске жеткен командалар финалдық кезеңге дейін турнир көркін қыздырып, жанкүйерлерге тамаша көңіл күй сыйлады.
Ел Президентінің Жолдауында азаматтарымызды салауатты өмір салтына əзірлеу қажеттігі көрсетілген. Бүгінгі таңда өз тəуелсіздігін алған егеменді еліміз осы бағытта Қазақстан мектептеріне жан-жақты дамыған, денсаулығы мықты, салауатты өмір салтын мұрат тұтқан дара тұлғаларды тəрбиелеу басты талап етіп қойылған. Қазақстан азаматтарының денсаулығын нығайту, салауатты өмір салтын ынталандыру туралы Елбасының Жолдауын Егемендіктің кілтін ұстар жастардың болашағына апаратын алтын сүрлеу десе болады.Қазір қала мен ауылдарда жаңадан спорт кешендері ашылып, азаматтардың салауатты өмір салтын ұстануға көп жағдай жасалуда. Мысалы Түркістан облысы, Қазығұрт ауданында тұрғындардың 30 пайызданн астамы бұқаралық спортқа ден қойды. Атқамінерлер алдағы екі жылда бқл көрсеткіш артады деп құлшынып отыр.
Қазығұрт ауданында спорт кешенінің саны да артып келеді. Әрине спорт кешендерінде жаттығып жатқандардың бәрі бірдей ел намысын қорғап, даңқты спортшы атанбаса да жүздеген баланың арасынан бір мықтының шығары анық. Ондай дарынды ұл-қыздарды жаттықтырушылар тұрақты түрде ауыл-аймақтарды аралап, іздеп табады екен.Кез-келген спорт саласының тізгінін нағыз майталман маман ұстаса ғана, сол саланың асығы алшысынан түсері анық. Себебі кәсіби маман ғана балаларға не үйрету керек екенін және мықты спортшы дайындау үшін қандай жағдай жасалу қажеттігін жетік біледі. Салауатты өмір салтын ұстанған жандар өз кезегінде қатардағы азаматтарға спортпен айналысып, сергек жүруге кеңес береді.
