Бүгін Түркістан облысының аумағында азаматтық қорғаудың мемлекеттік жүйесінің облыстық кіші жүйесінің басқару органдары мен күштерін қысқы кезең жағдайында төтенше жағдайларды жою жөніндегі іс-қимылдарға даярлау мақсатында «Қыс-2022» республикалық командалық-штабтық оқу-жаттығуы өтіп жатыр.
Сағат 08.00-де «Дабыл-1001» сигналы түскен сәтте қала, аудан әкімдеріне, облыстық Азаматтық қорғау қызметтеріне, мекемелер мен тіршілікті қамтамасыз ету нысандарына және «Қыс-2022» РКШОЖ қатысатын мекемелерге қабылданған сигнал жеткізілді.
Осы орайда, бүгін аталған оқу-жаттығу Түркістан қаласы аумағында өткізіліп жатыр. Бұл оқу-жаттығу Түркістан қалалық Азаматтық қорғау қызметтерінің құру және ережесін бекіту туралы Өкімге сәйкес қалалық азаматтық қорғау қызметтері құрылымдары мен авариялық-құтқару қызметтерінің жеке құрамы және техникалары қатыстырылуда.
Оқу-жаттығудың мақсаты — қалалық жедел ден қою жасақтарының кез келген уақытта дайын болу, төтенше жағдайда адамдарды және материалдық құндылықтарды шұғыл түрде құтқаруға әзір болу.
Осыған байланысты бүгінгі оқу-жаттығу барысында шартты түрде бекітілген «Жылу» МКК орталық қазандығында (2 дана қатты отынды пайдаланатын КВР-23,26-150 маркалы, 5 дана табиғи газбен пайдаланатын Виссман- КГ-150 маркалы) орын алған авария саладарынан орын алуы болуы мүмкін жағдайлармен, оны жою іс-шараларын қарастырды.
Шартты түрдегі оқу-жаттығу барысында орын алған төтенше жағдайларды жою жұмыстары жүргізілуде. Жалпы оқу-жаттығуға 41 техника 118 адам жұмылдырылған.
