Түркістан облысының полицейлері карантин талаптарын бұзып, той жасаған тұрғынды анықтады, – деп хабарлайды Polisia.kz-ке сілтеме жасаған 13kz тілшісі.
Тәртіп сақшылары «Инстаграм» парақшаларының бірінен келін түсіріп, той тойлап, отшашу атқан бейнежазбаны анықтады. Осы жайт бойынша полицейлер мен мобильді топ қызметкерлері тексеру жұмыстарын жүргізді. Нәтижесінде бейнежазба Сарыағаш қаласында түсірілгені анықталды. Той иесіне әкімшілік хаттама толтырылды. Полици қызметкерлері облыс тұрғындарына елімізде енгізілген карантин талаптарын сақтап, өз өміріңіз бен денсаулығыңызға аса жауапкершілікпен қарауға шақырады.
