Әлеуметтік сала қызметкелерінің күніне орай, «Қызмет» салалық кәсіподағы Шымкент қалалық филиалының мүшелерінің бас қосу жиыны өтті. Жиында әкімшілік, ішкі саясат, жастар, мәдениет, спорт, әлеуметтік салаларда қызмет етіп жүрген белсенді кәсіподақ мүшелері ұлықталды.
Іс-шарада «Шымкент қаласы кәсіподақтар орталығы» аумақтық кәсіподақтар бірлестігі төрағасының орынбасары Құрманбек Жарқынбек және «Қызмет» салалық кәсіподағы Шымкент қалалық филиалының төрағасы Әуесханов Серік белсенді кәсіподақ мүшелерін құттықтап, арнайы сыйлықтар мен марапаттар табыстады.
Атап айтқанда:
«Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің «Мемлекеттік қызметкерлер кәсіподағының үздігі» төсбелгісімен Шымкент қаласы әкімі аппараты басшысының орынбасары Қаланов Ильяс Сұлтанұлы және Шымкент қаласы әкімі аппараты ұйымдастыру — инспекторлық және аумақтық даму бөлімінің бас инспекторы, бастауыш кәсіподақ ұйымының төрайымы Шаймерденова Гүлмира Әнуарбекқызы марапатталды.
«Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің «Алғыс хатымен» Қазақстан Республикасы Ауылшаруашылығы министрлігі Агроөнеркәсіптік кешендегі мемлекеттік инспекция комитетінің Шымкент қаласы бойынша аумақтық инспекциясының кадрлық, қаржылық және құқықтық жұмыс бөлімінің басшысы, бастауыш кәсіподақ ұйымының төрайымы Бөрібаева Гүлсім Жанатбекқызы және «Құрмет грамотасымен» Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Шымкент қаласы бойынша аумақтық инспекциясының басшысы Мақұлбаев Әбдібақыт Тілләбайұлы марапатталды.
Шымкент қалалық маслихатының «Алғыс хатымен» Шымкент қаласы ішкі саясат және жастар істері жөніндегі басқармасының «Жастар ресурстық орталығы» коммуналдық мемлекеттік мекемесі басшысының орынбасары, бастауыш кәсіподақ ұйымының төрағасы Орынбеков Заманбек Оралбекұлы және Шымкент қаласы жұмыспен қамту және әлеуметтік қорғау басқармасының «TEN QOGAM» әлеуметтік қолдау орталығы» коммуналдық мемлекеттік мекемесі басшысының орынбасары, бастауыш кәсіподақ ұйымының төрайымы Белгібаева Гулия Байзаққызы марапатталды.
Шымкент қаласы әкімінің «Алғыс хатымен» Шымкент қаласының дене шынықтыру және спорт басқармасының бөлім басшысы, бастауыш кәсіподақ ұйымының төрағасы Әбдіқалықов Шоқан Шырынханұлы және Шымкент қаласының цифрландыру басқармасының әдіскері, бастауыш кәсіподақ ұйымының төрайымы Алдиярова Айгерім Хамитбекқызы марапатталды.
