Жүргізуші куәлігінсіз мас халде көлік басқарған тұрғындар ұсталды. Бұл туралы Polisia.kz-ке сілтеме жасаған 13kz тілшісі хабарлайды.Түркістан қаласының полицейлері кезекті рейдте күдік туғызған «Мерседес» автокөлікті тоқтатады.Тексеру барысында полицейлер «Мерседес» автокөлік иесінің мас халде болғанын және құжатсыз екендігін анықтайды. Белгілі болғандай жүргізуші 2019 жылдың қазан айында 3 жыл мерзімге көлік басқару құқығынан айырылған. Ол сол кездегі әрекетінен сабақ алмай, тағы да мас халде көлік басқарғаны анықталып, екінші рет қайталап отыр. Соттың қаулысына сәйкес аталған жүгенсіз жүргізушіге 2 ай мерзімге дейін күзетпен ұстау түріндегі бұлтартпау шарасы қолданылды.
Осындай кезекті жұмыс күнінің бірінде полицейлер «ВАЗ» автокөлігін тоқтатады. Тексеру барысында жүргізуші 2020 жылдың сәуір айында Түркістан қалалық сотының үкімімен 2 жыл мерзімге көлік басқару құқығынан айырылғаны белгілі болды. Одан бөлек, медициналық сараптамаға сәйкес, жүргізуші көлікті мас халде көлік басқарғаны анықталды. Құқық бұзған жүргізуші Түркістан ҚПБ-не жеткізілді. Соттың қаулысына сәйкес мас халде көлік тізгендеген тұрғын 2 ай мерзімге қамауға алынды. Сотқа дейінгі тергеу амалдары жүргізілуде
