“Лада Приора” маркалы автокөлікті тоқтатқан полицейлер, Төлеби ауданының тұрғынынан есірткі затын анықтады. Бұл туралы Polisia.kz сайтына сілтеме жасаған 13kz тілшісі хабарлайды. Сот-криминалистикалық сараптамасына сәйкес, тәркіленген есірткі заты 1 кг-нан астам марихуана болып шықты. Аталған жайт СДТТБТ-да ҚР ҚК-нің 296-бабы 4-бөлімі “Өткізу мақсатынсыз есірткі, психотроптық заттармен, сол тектестермен заңсыз жұмыс істеу” бойынша тіркелді. Күдікті қамауға алынды.
Қазіргі уақытта сотқа дейінгі тергеу амалдары жүргізілуде. Полиция қызметкерлері ер адамның есірткіні аса ірі көлемде қандай мақсатпен сақтағанын анықтауда.
