Аудандық мәдениет сарайында Қазақ зағиптар қоғамының 85 жылдығына орай «Өмір маған қымбатсың» атты кеш болып өтті. Айтулы күнге орай аталған қоғамдық бірлестіктің ұйымдастыруымен республика бойынша түрлі іс- шаралар өтуде. Бұл қоғамдық бірлестіктің ең басты мақсаты — оған мүше адамдардың құқықтары мен мүдделерін қорғау, зағиптар мен нашар көретін жандарға барынша қолдау көрсету болып табылады. Бүгінгі іс- шараны ұйымдастырушылар Зағиптар қоғамының Қазығұрт аудандық бастауыш ұйымы филиалы, «Раян» оңалту орталығы және аудандық мәдениет, тілдерді дамыту, дене шынықтыру және спорт бөлімі. Іс- шарада аудан әкімі А. Абдуллаев өзінің ізгі тілегін білдіріп, қоғамдық жұмыстарға белсене араласқан мүмкіндігі шектеулі азаматтарды «Алғыс хаттармен» марапаттады. Сондай- ақ Қазақ зағиптар қоғамының 85 жылдығына орай өткен спорттық жарыстардың жеңімпаздары марапатталды. Іс- шарада аудандық мәдениет сарайының әншілері, «Раян» оңалту орталығының балалары, Зағиптар қоғамының Қазығұрт аудандық бастауыш ұйымының әншілері және айтыскер ақын Жандарбек Бұлғақов пен белгілі әнші Ғаділбек Жанай өнер көрсетті.
Қазақ зағиптар қоғамдық бірлестігінің 85 жылдығына және «Зағиптар» күніне орай, Қазығұрт ауданы орталығында «Раян» оңалту орталығы мен «Қазақ соқырлар қоғамы» бірлестігінің ұйымдастыруымен «Өмір маған қымбатсың» атты іс-шара өтті. Іс-шара зағип жандар арасында ұйымдастырылған спорттың дойбы, шахмат, тоғызқұмалақ түрлерінен бастау алып, соңынан концерттік бағдарламаға ұласты. Концерттік бағдарламада аудан әкімі Арман Абдуллаев арнайы құттықтау сөз сөйлеп, ұйымдастырушы азаматтарға рахметін айтып, алғыс хаттармен марапаттады. Сондай-ақ, іс-шараға «Қазақ соқырлар қоғамы» қоғамдық бірлестігі Түркістан облыстық филиалының төрағасы Алтынбеков Нұрғали Амирбекұлы, Қазақ соқырлар қоғамының құрметті азаматы, призидиум мүшесі – Жанаев Жандар Тұрарұлы және облысымыздың барлық аудандарынан Зағиптар қоғамы бастауыш ұйымы филиалдарының өкілдері келіп қатысты. Кеш қонақтары ретінде Қазақстанға әйгілі ақын Жандарбек Бұлғақов пен әнші Ғаділбек Жанай шақырылды. Жиналған көпшілік көтеріңкі көңіл күймен тарқасты.
