Шымкент қаласында қалыптасқан эпидемиологиялық жағдайға байланысты халыққа қолжетімді медициналық көмек көрсету мақсатында алдағы аптада 1430.kz порталы іске қосылады. Бұл туралы Шымкент қаласы әкімінің баспасөз қызметі хабарлады.
Аталған сервис арқылы қаланың, ауданның, шалғай мекеннің әрбір тұрғыны үйден шықпай-ақ қашықтықтан медициналық көмекке жүгінуге мүмкіндік алады. Бұл үшін 1430.kz порталында тіркеліп, қажетті маманды таңдап, онлайн-қабылдауға жазылу жеткілікті.
Онда жалпы практика дәрігерлерінен, педиатрлардан, сондай-ақ салалық мамандардан көмек ала алады.
Алдағы уақытта 1430.kz порталына тіркелу және қолдану туралы қосымша ақпарат беріледі. Осы ретте, өзін-өзі емдеуге және дәрігердің тағайындауынсыз дәрі-дәрмек қабылдауға болмайтынын ескертеміз. Бұл бастама халық арасында коронавирус, пневмония және де өзге де жұқпалы аруларды емдеуге және алдын алуға мүмкіндік береді,- дейді мамандар. Сонымен қатар пандемия кезінде халықтың шоғырлануы мен топтасуына тосқауыл болмақ. 1430.kz көмек алу порталы халықтың игілі үшін нәтижелі жұмыс жасайтындығына сенім мол.
