Ауыл шаруашылығы саласында жалпы өнім көлемі 8,2 млрд. теңгені құрады. Жоспар 8,1 млрд теңге (100,2%). Негізгі капиталға тартылған инвестиция көлемі 22,3 млрд.теңгені құрап, жоспар (17,5 млрд. теңге) 127,4% орындалды.
Ал 2022 жылдың 9 айының қорытындысымен 4,5 млрд теңгені құрап, өткен жылдың сәйкес кезеңімен салыстырғанда (жоспар 6,2 млрд) 73,0% болды.Бұдан өзге, пайдалануға берілген тұрғын үйдің жалпы алаңы 21,8 мың шаршы метрді құрап, жоспар (13,9 мың шаршы метр) 157,6% орындалды.
Айта өтсек, 2022 жылдың 9 айының қорытындысымен өткізілген тауар көлемі 6,3 млрд.теңгені құрап, өткен жылдың 9 айымен салыстырғанда 100,8% өсті. Сонымен қатар, тіркелген шағын және орта бизнес субъектілерінің саны 5061 бірлікті, оның ішінде белсенді субъектілерінің саны 4962 бірлікті (98,0%) құрады. Кентау қаласы бойынша 2020-2025 жылдары өңірлер кәсіпкерлігін қолдау картасы аясында іске асырылатын жалпы құны – 6,33 млрд. теңгеге 2 жоба, онда 317 жұмыс орны ашылу жоспарланған.
Түркістан қаласына көшірілуіне орай Түркістан мен Кентау қаласының шекаралары да өзгерді. Яғни Түркістан қаласына қарасты 12 ауылдық округ Кентау қаласына қарайтын болды. Өндірісті қала атанып келген кеншілер қаласында ауыл шаруашылығы саласына да көп көңіл бөлінуде.
Облыс әкімдігі мен облыстық ауыл шаруашылығы басқармасының бастамасымен бірлесіп ауыл шаруашылығы саласы бойынша 62 жоба әзірленді. Оны Ауыл шаруашылығы министрлігіне тапсырып, қорғалды. 62 жоба ішінен дамытуға сай келетіні іріктелініп алынған соң, «ҚР Агроөнеркәсіптік кешенін дамытудың 2017-2021 жылдарға арналған мемлекеттік бағдарламасы» шеңберінде қаржылай қолдау жасалып, сол жобаларға қаражат беріле бастады. Осылайша кеншілер қаласы ендігі жерде облыс орталығы Түркістан қаласын ауыл шаруашылығы өнімдерімен толық қамтамасыз ететін ауыл шаруашылығы белдеуін қалыптастыруға күш салуда.
Кентауға қосылған ауыл округтеріндегі ең негізгі проблемалардың бірі егістікті ағын сумен қамтамасыз ету болып табылады. Көп ауылда осы мәселе көтерілуде.
Бұдан басқа ауылдар арасында инфрақұрылымды дамыту, әлеуметтік нысандардың жұмыс істеуі, медициналық қызмет, транспорт жүйесі, жолаушылар тасымалы және басқа да мәселелер мерзіміне сәйкес өз шешімдерін табатын болды.
