Түркістан қаласында орналасқан «Эко базар» аумағында әр аптаның жұма-сенбі күндері Түркістан облысының ауыл шарушылық өнімдерінің жәрмеңкесі өтуде.
Бүгін, 11-қараша күні «Эко базары» аумағына 68 тонна көлемінде облыстағы 4 ауданнан (Созақ, Кентау, Қазығұрт, Сауран аудандарынан) ауыл шаруашылық өнімдері әкелініп, базардағы бағадан 10-15% төмен бағада саудалануда. Сонымен қатар жәрмеңкеде Түркістан облыстық тұрақтандыру қоры тарапынан әлеуметтік маңызы бар азық-түлік тауарларынан 10 тонна көлемінде күнбағыс майы, сәбіз, құмшекер, тұз, макарон өнімдері тұрғындарға төмендетілген бағамен ұсынылып жатыр.
Ала жаздай кетпенін күнге сүйдіріп, бел жазбай еңбек еткен шаруалар еңбектің нәтижесін көріп, ауыл шаруашылығы өнімдерін төкпей, шашпай жинап алды. Биылғы өнім де молынан салды. Көктемде алма біткенді үсік ұрып кетпей аман қалды. Соның арқасына алма биыл мол салды. Қазығұрт, Кентау диқандары алма, алмұрт, асқабақ, картоп өнімдерін Түркістан жұртына молынан алып келді. Алдағы уақытта ауыл шаруашылық жәрмеңкесі жалғасын табатын болады.
Бұдан өзге өңір шаруалары өз өнімін республиканың өзге аймағына апарып, жәрмеңке өткізуді қолға алған. Мәселен, жуырда елордада Түркістан облысының 70-тен астам ауыл шаруашылығы өндірушілері 535 тонна өз өнімдерін ұсынды, оның ішінде ет және ет өнімдері, көкөністер, картоп, сүт, нан-тоқаш өнімдері, жемістер мен бақша өнімдері, бал, жеміс шырындары, консервіленген өнімдер, жұмыртқа бар. Мұның бәрін тұрғындар дәстүрлі түрде нарықтық бағадан 15-20% төмен бағамен сатып алды.
Айта кетейік, биыл тұрғындардың өтініші бойынша ауыл шаруашылығы жәрмеңкелерін өткізу орны «Хан Шатыр» СОО жанындағы алаңнан «Барыс Арена» мұз сарайына қарама-қарсы аумаққа ауысты.
Мұндай жәрмеңкелер бірнеше өзекті мәселелерді шешеді, атап айтқанда:- өндірушілер мен сатып алушылар арасындағы делдалдарды алып тастаңыз;
— тауар өндірушілердің өнімін өткізудің қосымша нарығымен қамтамасыз етеді;
— делдалдарды алып тастау есебінен өнімнің бағасы төмендейді және халық үшін сапалы азық-түліктің қолжетімділігі қамтамасыз етіледі.
