Ауданның әлеуметтік-экономикалық өсіп өркендеуіне коммуналдық сала қызметкерлері айтарлықтай үлес қосып келеді. Халықтың күнделікті тыныс-тіршілігін біліп, келеңсіз жағдай орын алса, жылдам іске кірісетін коммуналдық саланың жауапкершілігі мол.
Аталған салада қызметін абыроймен атқарып келе жатқан азаматтардың бірі – Қоныс Тілемисов. Ол 1982 жылы Ленгір қаласында дүниеге келген. Еңбек жолын 1999 жылы арнаулы орта білім беретін оқу орнын аяқтаған соң «Төлеби көп салалы коммуналдық кәсіпорнында слесарь-жөндеуші болып бастайды. Қазіргі таңда «Жарық жолдар» коммуналдық мемлекеттік мекемесінің слесарь-жөндеушісі болып жұмыс істейді.
Қоныс Қалмасұлы алдына мақсат қоя алатын, өз ісін жетік білетін тәжірибелі маман. Саладағы жұмыс өтілі — 23 жыл. Ол жұмыс істеген уақыты ішінде тәртібіне байланысты ешқандай сөгіс алмаған. Айта кетейік, оның ұзақ жылғы жемісті еңбегі бағаланып биыл III дәрежелі «Еңбек Даңқы» орденінің иегері атанды.
Президент өз жолдауында, бүгінгі күні еңбек адамын «моральдық ынталандырудың» әлеуметтік-құндылықтық мәртебесі әлсірегенге ұқсайды, оның орнын «материалдық ынталандыру» басымдық танытуда. Осы мәселе ойландыруы керек. Егер бүгінде 1 наурыз – әлеуметтік ортада Алғыс айту күні дейтін болсақ, онда моральдық ынталандырудың әлеуметтік мәртебесін көтеру шараларын қолға алу керек болар. Еңбек нарығы парадигмасы. «Қазақстан – әлеуметтік мемлекет», – дейді Президент. Демек, ел, халық, Отан үшін еңбек ету басты рухани құндылыққа айналуы тиіс. Осы ретте ұлттық идеологияның болуы маңызды. Ол халықты адал еңбекке ұйыстырушы фактор болмақ. Сондықтан «қиын жағдайға тап болған азаматтарға жан-жақты көмек көрсету – басты міндеттердің бірі» болатыны анық. Қорыта айтқанда, бұл жолдау халықтық іс деуге негіз бар.