Бүгінде мессенджердегі қарым-қатынас, онлайн төлемдер, электрондық қызметтер – осының барлығы заманауи адамның күнделікті істерінің бір бөлігі болып табылады. «Цифрлық Қазақстан» мемлекеттік бағдарламасын қабылдай отырып, қазақстандықтардың өміріне қарқынды енген цифрландыру экономиканың жаңа моделін жасайды, онда тек базалық салалар мен бизнес қана емес, сонымен қатар қоғамның бүкіл өмірі де цифрленген. Мысалы, eGov.kz электрондық үкімет порталы азаматтардың мемлекеттік қызметтерге жылдам қол жеткізуі үшін жұмыс істейді. Бұл – өтініштер беру, анықтамалар алу, лицензиялар алу, есепке қою, тіркеу және басқа да операциялар сияқты қызметтер мен сервистер. Мемлекеттік органдар, сондай-ақ басқа да көптеген ұйымдар, мысалы, банктер мен почта, қағаз құжат айналымынан құтыла отырып, өз жұмысын электрондық форматқа ауыстыру жұмыстарын жалғастыруда .Ең алдымен, «цифрлық сауаттылық» терминінің бірыңғай түсінігін анықтау қажет. Қарапайым тілмен айтқанда, бұл – адамның күнделікті өмірде және жұмыста ақпараттық технологияларды қолдана білуі дейді Отырар ауданы әкімдігіндегі әкімшілік және жалпы бөлімінің басшысы.
Жергілікті атқарушы органдар халықты қажетті цифрлық дағдыларға оқытуды және қайта оқытуды тұрақты негізде жүргізуде.
«Электрондық үкімет және электрондық мемлекеттік қызметтер». Тақырып үйден шықпай-ақ, қажетті электрондық мемлекеттік қызметтерді онлайн алуды қамтитын электрондық үкімет порталымен жұмыс істеу дағдыларын қамтиды.
2018 жылы Қазақстанның әрбір өңірінде , аудан орталықтарында, ауылдарда және кенттерде халықты цифрлық сауаттылықтың базалық дағдыларына үйрету курстары өтті. Оқу курстары бір немесе төрт дағды бойынша өз құзыретін арттырғысы келетіндерге тегін берілді:»Базалық цифрлық дағдылар». Олар дербес компьютер мен ноутбук, мобильді құрылғылар, Интернет желісін сенімді пайдалануды қамтиды, сондай-ақ қауіпсіздік және деректерді қорғау тақырыптарын қамтиды.
Цифрлық сауаттылыққа оқыту курстары Қазақстанның барлық аймақтарында сәтті басталды. «Цифрлық Қазақстан» мемлекеттік бағдарламасы аясында халықтың цифрлық сауаттылық деңгейін 2022 жылдың соңына дейін 83%-ға дейін кезең-кезеңмен арттыру жоспарланып отыр.
Отырар ауданы әкімдігі жақында халық алдында ағымдағы жылдың 9 айының қорытындысы бойынша әлеуметтік- дамуының орындалуы бойынша есеп беріп қорғап шықты.
Ауданда елдімекендерді инфрақұрылммен қамту жұмыстары кезең-кезеңімен жүзеге асырылуда. 55 мыңнан астам халқы бар Отырар ауданында бүгінде туризм саласы қарқынды дамып келеді. Өлке көне тарихи орындарға бай. Айта кететін жәйт, аудан орталығы Шәуілдірден Арыстанбаб кесенесіне баратын жолда күрделі құрылыс жұмыстары жүргізілуде. Тағы бір жағымды жаңалық, зиярат етушілерге ақпараттық және танымдық қызмет түрлері қолжетімді.
