Түркістан облыстық прокуратурасының бастамасымен өңірдегі барлық елді мекендерді қамтитын «Заң керуені» акциясы басталды. Акцияның басты мақсаты – тұрғындармен кездесіп заңдарды кеңінен түсіндіру, кері байланыс орната отырып олардың көкейінде жүрген сұрақтары мен өтініштеріне жауап беріп, құқықтық көмек көрсету, қоғамдық қауіпсіздік пен құқықтық тәртіпті нығайту.
Осы орайда облыс прокурорының орынбасары Саян Келдібеков бастаған арнайы топ ауданға іс-сапармен келіп, тұрғындармен кездесті. Жиынға аудан әкімінің орынбасары Лесбек Серікбаев, аудан прокуроры Оразәлі Әбдіраманов, аудандық полиция бөлімінің басшысы Руслан Ендібаев, құқық қорғау органдарының өкілдері, дербес бөлім басшылары, қала және ауылдық округ әкімдері, БАҚ өкілдері қатысты.
Кездесу барысында азаматтар тарапынан айтылған мәселелер кеңінен талқыланып, тиісті жауапты тұлғаларға тапсырмалар жүктелді. Сонымен қатар алдағы атқарар жұмыстар нақтыланды.
Айта кетсек, жуырда быс әкімі Төлеби ауданының тұрғындарымен кездескен еді. Өңірімізде 10 мыңнан астам жаңа жұмыс орны ашылмақ. Түркістан облысының әкімі Дархан Сатыбалды Төлеби ауданына жасаған сапарында осылай деген еді. Аймақ басшысы, аудандағы жаңа өндіріс орнының ашылу рәсіміне қатысты. Халықпен кездесу барысында алдағы уақытта бірнеше мектеп салынатынын атап өтті. Кездесуден соң өңір басшысы тұрғындарды жеке қабылдап, мәселелерін тыңдады. Сапар барысында өңір басшысы тұрғындармен кездесіп, олардың мәселелерін тыңдады. Ауыл халқы көбіне жер, жол, ауыл шаруашылық тақырыптарын қозғады. Сондай ақ, инфрақұрылым жайы мен мектеп мәселесін де назардан тыс қалдырмады.
Облыс әкімі жалпы кездесуден соң, тұрғындарды жеке қабылдап, олардың мәселелерін тыңдады. Сапар барысында Дархан Сатыбалды аудан кәсіпкерлері өндірген тауар көрмесін тамашалады. Бүгінде мұнда 100-ге жуық тұрғын мемлекет қолдауымен өз бизнес идеяларын жүзеге асырған. Одан өзге, «Арадагерлер үйінің» тыныс-тіршілігімен танысты. Ардагерлермен жүздескен өңір басшысы олардың ұсыныс-пікірлерін тыңдап, сұрақтарына жауап берген еді.
