Футболдан Қазақстан премьер-лигасының жиырма бесінші туры өтті. Түркістан облысының «Мақтаарал» командасы «Тұранмен» шеберлік байқасты. Бұл ойын аса маңызды еді. Себебі жеңген команда премьер-лигада қалуға мүмкіндік алатын. Тартысты матчта «Мақтаарал» командасы 3:0 есебімен жеңіске жетті. Бұл – мырзашөлдіктердің қатарынан бесінші жеңісі еді. Осы арқылы жас команда премьер-лигада қалу мәселесін түбегейлі шешті.
Айта кетейік, «Мақтаарал» командасы 2011 жылы құрылған. 2021 жылғы бірінші лига командалары арасындағы Қазақстан 2-ші орынды жеңіп алды. Осылайша ауданның командасы облыстар мен мегаполистердің командаларымен иық тіресу үшін премьер-лигаға шықты. Әрине, бұл – шағын ғана ауданның тұрғындары үшін өте үлкен қуаныш.
«Мақтаарал» командасы 30 ұпаймен тоғызыншы орында тұр. Соңғы турда «Ордабасымен» кездеседі.
Есте болса, Мақтаарал футбол клубы 2021 жылғы Бірінші лига командалары арасындағы Қазақстан Біріншілігінде 21 ойын өткізіп, ойын кестесі бойынша 46-ұпаймен 2-ші орынды жеңіп алған-ды. Осылайша ауданның командасы облыстың командаларымен иық тіресу үшін Республикалық Премьер-лигасына шыққан болатын.
Әрине, бұл шағын ғана ауданның тұрғындары үшін өте үлкен қуаныш. Салтанатты жиын барысында сөз сөйлеген Футбол федерациясының Түркістан облысы бойынша филиалының Президенті Хаким Көшқалиев Қазақстанның футбол тарихында ауданнан шыққан команда тұңғыш рет премьер-лигаға шыққанын өте үлкен жетістік екенін мәлімдеген еді. Сондай-ақ, ол аз ғана бюджетпен үлкен шыңды бағындырған команданың жетістігінің құпиясында аудан басшылығының футболды қолдауға деген дұрыс көзқарасы жатқанын, Мақтааралда футболға деген жағымды атмосфера қалыптасқанын тілге тиек еткен. Осылайша ҚР Футбол федерацясының елордамыз Нұр-Сұлтан қаласынан арнайы марапаттауға келген өкілдері Мақтаарал футбол клубының ойыншыларына күміс медаль тағып, премьер-лигаға ресми түрде жолдама берген болатын. Естеріңізге сала кетейік, «Мақтаарал» футбол командасы 2012 жылы екінші лига жеңімпазы болған. 9 жылдан бері бірінші лигада өнер көрсетіп келеді.
