Түркістан облысында халық саны көбейіп келеді. Ол – қуанышты жағдай. Енді сол елге қажетті жұмыс орындарын, өндіріс орындарын көбейту – уақыт талабы. Түркістан өңірінің тұрғындары қашан да кәсіпкерлікке бейім болған. Кәсіпкерлік субъектілері саны жөнінен Түркістан облысы Алматы мен Нұр-Сұлтан қаласынан кейін үшінші орында тұр. Кәсіпкерлер саны жылда 10 мыңға өсіп, саны артып келеді. Сондықтан өңірде сала жауаптылары «Қарапайым заттар экономикасы» мен «Бизнестің жол картасы 2025» бағдарламасы арқылы қолдау көрсетіп келеді.
Тіпті Түркістандағы құрылыс жұмыстарында жергілікі кәсіпкерлер атқарып жатыр. Кәсіпкер болу – өте қиын. Ол үшін экономика, заң, бухгалтериядан білім болуы керек. Ұйымдастырушылық шеберлігі жоғары және тәуекелге бара алатын азаматтар ғана мықты кәсіпкер бола алады. Бүгінде өңірде «Кәсіпкерлік қырандары» атты жоба іске қосылған. Танымал, ірі кәсіпкерлер жас әрі ізденіс үстінде жүрген кәсіпкерлерге өз білгендерін үйретеді. Жобаларын қаржыландырып, қолдау көрсетеді. Бұл жоба алдағы уақытта да жалғасын табады.
Бұл тұрғыда аудан әкімдері де ауыл-аймақтан іскер, кәсіпкерлікке бейім жастарды табу, қолдау көрсету мәселесін басты назарға ұстайды.
Кәсіпкерлік – экономиканың қозғаушы күші. Бизнес өз кезегінде әлеуметтік жауапкершілікті сезінуі қажет. Ең керегі өңір тұрғындарын тұрақты жұмыс орындарымен қамтамасыз ету екені белгілі.
Кәсіпкерлерге жеңілдетілген несие, субсидия беру жүйесіде жолға қойлыып келеді. Кәсіпкерлер еркін форматта көкейде жүрген сұрақтарын қоюға да мүмкіндігі бар. Себебі өңірде кәсіпкерлерге қолдау көрсету орталықтары да жұмыс істейді.
Кәсіпкерлікті жүргізу үшін өңірде қолайлы бизнес климат қалыптасқан. Бизнес үшін қаржылай қолдау шаралары қолжетімді. «Бизнестің жол картасы – 2025» және «Қарапайым заттар экономикасы» бағдарламалары кәсіпкерлерге үлкен серпін беріп жатыр. Осы бағдарламалар арқылы кәсіпкерлер 17 млрд. теңгеге жеңілдетілген несиелерді пайдаланды. Жалпы, бағдарламаларды орындау бойынша өңір республикада алғашқы үштіктің қатарында келеді.
Бұдан басқа жергілікті деңгейде жас кәсіпкерлер және стартап жобаларды қолдау үшін қажетті бағдарламалар қабылданған. Мәселен, кәсіпкерлер жаңадан құрылған «Атамекен-Түркістан» микроқаржы ұйымы арқылы жеңілдетілген 6%-бен несие ала алады. Бүгінде бұл мүмкіндікті кәсіпкерлер ұтымды пайдаланып, 1,8 млрд. теңгеге қаржыланып отыр.
Несиені алу кезіндегі басты шарт – кепілзаттың болуы. Көптеген кәсіпкер осы тұрғыда қиындыққа кезігіп жатады. Осы мақсатта елімізде алғашқы болып ірі кәсіпкерлердің қолдауымен «Кәсіпкерлік қырандары» жобасының бастау алғаны белгілі. Жоба арқылы ірі кәсіпкерлер кіші кәсіпкерлерге көмектеседі. Қазірдің өзінде 20-дан астам стартап жаңа жоба үлкен бизнес өкілдерінің қолдауына ие болды.
Кәсіппен айналысамын деген жанға бағыт-бағдар беру үшін ақысыз негізде жұмыс істейтін «Кәсіпкерлерге қызмет көрсету орталығының» филиалдары барлық аудан және қалаларда орналасқан.
Жалпы Түркістан облысында барлық сала қарқынды дамып келеді.
