Түркістан қаласында сағат 06:00-ден бастап қала аумағындағы барлық жылу қазандықтары іске қосылды.
Қазіргі таңда облыс орталығында жалпы 40 579 абонент бар. «Жылу» мемлекеттік коммуналдық кәсіпорны тарапынан қаладағы І мөлтекауданда көпқабатты — 58 үй, ІІ мөлтекауданда — 15 үй, ТГЖД аумағында — 2 үй орталық жылу энергиясымен қамтамасыз етілген. Сонымен қатар, Отырар мөлтекауданында — 38, әкімшілік іскер орталығында — 14, жалпы 127 көпқабатты тұрғын үйл орталық жылумен қамтылған. Бұдан бөлек, І мөлтекаудандағы 28 бюджеттік, 55 кәсіпкерлік заңды тұлғаларға, 52 жер телімді тұрғын үйлер мен Мәдени, рухани орталығындағы 11 нысанға жылу берілген.
Айта кетерлігі, тұрғындар үйдегі радиаторлардың қызып, жылығанына көз жеткізу қажет. Егер де жылу келмесе ауасын шығару керек. Радиаторлардағы ауа үйді нашар жылытып қана қоймай, батареялардың тот басуына әкелуі мүмкін.Сондай-ақ, коммуналдық төлемдердің төленгенін тексерген дұрыс.
Қосымша ақпар. Қазақстанда жылу қазандықтарын шығаратын 18 компания бар.
Соның үшеуі Түркістан облысында. Әрине бұл өте аз, халыққа қажетті толықтай қамтамасыз ете алмайды. Сол себептен шетелден әкелінеді. Айта кетейік, облысымыздағы жылу қазандықтарының 60 пайызы Қытайдан, 15 пайызы Ресей, Корея елінен әкелінеді. Әрине өз елімізде өндіргенге не жетсін. Халқымыз үшін аса қажет осындай ерекше өндіріс орындарының бірін Сайрам ауданының кәсіпкері қолға алып отыр. Ақсукент елді мекенінде Арт сапа құрылыс ЖШС қуаттылығы 100 000 ш/м жететін жылу қазандықтарын шығарады. Серіктестіктің Отандық өнімдердің өрісін кеңейтуге қосар үлесі бар. Сырттан тасымалдаушы көрсеткішін өзгертуге ниетте.
Кәсіпорын бастапқы кезде металл өнімдерін өндірумен айналысқан. Металлдан жасалған түрлі бұйымдар. 2008 жылдан бастап жылу қазандықтарын шығара бастады. Технологиясы немістердікі. Германиядан білікті мамандар шақырылып, заманауи үлгідегі құрылыстар іске қосылды. Мекеме директоры Нұрлан Нұрышевтың айтуынша, бастапқы кезде қаражат жағынан қиыншылықтар болған. Маман тапшылығы болғандықтан мамандарды оқытқан.
Қазандық газ, дизель, көмірмен жұмыс жасайды.Жылыту қазандықтары тек жылуды ғана емес, жылы су, будыда береді. Бу қазандықтарына мұнай өндіруші компаниялар қызығушылық танытып отыр.
Әлі алда жұмыстар көп, дизаин бойынша жұмыс жасау керек. 65 адамды тұрақты жұмыспен қамтамасыз етіп отыр.
Бір ерекшелігі жылу қазандықтары он қабаттық үйге арналған болса, келер жылы он қабаттық үйдің жанына ғимарат соғылса, жылу қазандықтарында қоса беруге болады.
