Республика күнін мерекелеу қарсаңында қалада түрлі іс-шаралар өткізілуде. Солардың бірі Шымкент қаласының әскери-техникалық мектебінде өткен студенттермен кездесу болды. Кездесу Қарулы Күштердің ардагерлері, интернационалист жауынгерлер, чернобыльдықтар мен студенттердің қатысуымен өтті.
Колледж студенттері оқытушыларымен бірге әскери мектеп дәлізінде жиналды. Ұлдар мен қыздардың назары әскери қызметкерлер Қазақстандық әскери қызметшілердің қару-жарақ үлгілері мен заманауи киім үлгілері қойылған үстелдерге аударылды.
Армия қару-жарағымен танысқаннан кейін, Ақпан батыр атындағы №10 орта мектептің акт залында дәріс-әңгіме ұйымдастырылды. Кездесуде ардагерлер армияда қызмет етуден қорқудың қажеті жоқ, әскери адам, ең алдымен, өз отбасының қорғаушысы, ал армияда алған дағдылары оған өмірде де септігін тигізетінін айтты.
Сондай-ақ ардагерлер соғыс қимылдарына қатысу тәжірибесіне тоқталып, жігіттерді әрқашан Отан тыныштығы үшін – халықтың тыныштығы мен амандығын қорғауға шақырды.
Іс-шараны қалалық қорғаныс істері жөніндегі басқармасы және білім басқармасының әдістемелік орталығы бірлесіп ұйымдастырды. Шымкент қаласының қорғаныс істері жөніндегі департамент бастығының орынбасары подполковник Ринат Мадьяров атап өткендей, мұндай шаралар патриоттық тәрбиені нығайтуға септігін тигізеді.
— Жастарымызбен осындай кездесулер қажет, өйткені олар патриоттық рухты тәрбиелейді, Отанға деген сүйіспеншілік пен адалдықтың өзекті мәселелерін талқылауға мүмкіндік береді. Сондай-ақ оқушылармен әскери жоғары оқу орындарына түсу үшін кәсіптік бағдар жүргізіледі, — деді подполковник Ринат Мадьяров.
Шымкент гарнизонының баспасөз қызметі
