Amanat партиясы Шымкент қалалық филиалы жанындағы Партиялық бақылау комиссиясының отырысы өтті. Отырыстың күн тәртібінде Мемлекет басшысы Қ.К.Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына Жолдауы кеңінен талқыланып, ашық пікір алмасу болды.
Жиынға AMANAT партиясы Шымкент қалалық филиалының Атқарушы хатшысы Жанар Бектаева, AMANAT партиясы Шымкент қалалық филиалы жанындағы Партиялық бақылау комиссиясының төрайымы, М.Әуезов атындағы ОҚУ-дың басқарма төрағасы-ректоры Дария Кожамжарова, комиисия төрайымының орынбасары Б.Ш.Қуанышбеков, партиялық бақылау комиссиясының мүшелері Н.Ешенқұлов, Д.Баширов, Е.С.Серкебаев, М.Сеитов және қалалық мәслихат депутаттары Ш.Қозбахов, Қ.Имашев қатысты.
Отырысты AMANAT партиясы Шымкент қалалық филиалы жанындағы Партиялық бақылау комиссиясының төрайымы, М.Әуезов атындағы ОҚУ-дың басқарма төрағасы-ректоры Д.П.Қожамжарова ашып, жүргізіп отырды.
Алғашқы болып баяндама жасаған партиялық бақылау комиссиясының мүшесі Н.Ешенқұлов 1-ші қыркүйек — білім күні Мемлекет Басшысының барша қазақстандықтарға арнаған Жолдаудағы бес бағытқа тоқталып, кеңінен ойын білдірді.
Жиын соңында Астанада өткен партияның кезектен тыс XXIV Съезі мен Халықтық коалиция форумының қорытындысы туралы сөз қозғалды. Съезд делегаттары Ж.Бектаева, Қ.Имашев, Ш.Қозбахов Халықтық коалиция туралы әңгімеледі.
Басқосуды қортындылай келе, алдағы саяси науқанда, яғни кезектен тыс Президент сайлауында әрбір қазақстандық еліміздің болашағы үшін жауапты екенін сезініп, жаңа Қазақстанды құруға атсалысуы керек екені айтылды.
Естеріңізге сала кетейік, 2022 жылғы 1 қыркүйекте өткен Парламенттің кезекті сессиясында Мемлекет басшысы Қазақстан халқына Жолдауын жариялады, онда жаңа, әділетті Қазақстанды құру жөніндегі кезекті қадамдар белгіленді.
