Шымкент қаласындағы жеңіл атлетика кешенінде таеквондадан Рашид Жұмановты еске алуға арналған халықаралық турнир басталды. Сайысқа елімізбен қатар көршілес Өзбекстан мен Қырғызстанның дара спортшылары қатысуда. Жарысты Шымкент қаласы спорт басқармасы мен Таеквондадан Қазақстан Республикалық федерациясы бірлесіп ұйымдастыруда.
Шымкент қаласындағы олимпиадалық деңгейдегі спорт түрінен ашық кубокты сарапқа салу барысында,ересектермен қатар жастар мен жасөспірімдер арасында да жеңімпаздар анықталады.Жарысқа үш мемлекеттің және еліміздің барлық өңірінен мыңға жуық спортшылар қатысуда. Халықаралық турнирдің ашылу рәсімі кезінде Шымкент қалалық дене шынықтыру және спорт басқармасы басшысының орынбасары Ермек Дәрменов құттықтау сөз сөйлеп осы жарыс аясында қаламыздағы құрама спортшыларының шеберлігін шыңдау басты мақсат екендігін айтты.
Бұл жарыстың басты мақсаты олимпиада ойындарынан кейінгі Ұлттық құрама мүшелерін іріктеу болып табылады.Сайысқа кәсіпкер Рашид Жұмановтың отбасы мүшелері қатысып жарысты ұйымдастырушыларға алғыстарын білдірді. Турнирді өткізуші Шымкент қалалық таеквондо федерациясының президенті Нұрсұлтан Жуманов жеңімпаздардың барлығына арнайы жүлделер табыс етілетінін айтты.
Бүгінгі іріктеу сайыстарында көршілес мемлеттердің атлеттерімен, Бектұр Өтебаев пен бас бапкер Давран Ризаевтың шәкірттері, Шымкент қаласының таеквондошылары сәтті өнер көрсетті. Ал, ертең ақтық бәсекедегі жекпе-жектер өтеді.
Еске салсақ биыл Шымкентте жасөспірімдер арасында таэквондо спортынан халықаралық турнир өткен еді. Жарысқа көршілес Өзбекстан және Қырғызстан республикаларынан келген 500-ден астам спортшы қатысқан болатын. Халықаралық нашақорлыққа қарсы күрес күні қарсаңында ұйымдастырылған турнирге Шымкент қаласы ПД-нің Есірткі қылмысына қарсы іс-қимыл басқармасы, Түркістан аумақтық таэквондо федерациясы және “Сергали-Туркестан” аймақтық қоғамдық бірлестігінің қызметкерлері атсалысқан еді. Спортшылардың жас және салмақ ерекшеліктеріне сәйкес тарысты турнир екі кезеңге созылған. Сайыста ер жігіттермен бірге нәзік жандылар да өзара сайысқа түсіп, бақ сынаған. Жарыс қорытындысы бойынша жеңімпаздарға арнайы медальдар мен кубоктар табысталған болатын. Айта кетейік аталған турнир Қазақстан, Өзбекстан және Қырғызстан республикаларының таэквондо федерацияларының қолдауымен өткізілген.
Үшіншң мегаполисте республикалық және халықаралық деңгейдегі спорттық додалар жалғасын табтын болады.
