Қазақстан Республикасының Президенті Қасым-Жомарт Кемелұлы Тоқаевтың сыбайлас жемқорлыққа қарсы саясатын қолдау мақсатында «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Түркістан облыстық филиалының Қазақстан Республикасы Ақпарат және қоғамдық даму министрлігінің «Азаматтық бастамаларды қолдау орталығының» қолдауымен «Жастар бойында сыбайлас жемқорлыққа қарсы сананы қалыптастыру жөнінде іс-шаралар кешенін жүргізу» атты әлеуметтік жобасы шеңберінде Жетісай ауданында іс-шара өткізілді.
Шараның басты мақсаты жастар арасында сыбайлас жемқорлыққа қарсы дүниетанымды, белсенді азаматтық ұстанымды және сыбайлас жемқорлыққа қарсы қозғалысқа азаматтық сектор өкілдерін тарту арқылы мемлекеттік қызмет көрсету саласында сыбайлас жемқорлық көріністеріне «мүлдем төзбеушілікті» қалыптастыру.
Модератор, «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Түркістан облысы филиал төрағасының орынбасары, Жетісай аудандық мәслихатының депутаты: Мырзаханов Алладин іс-шараны жүргізіп отырды.
Жиынға Жетісай ауданы әкімінің орынбасары Тасов Аширбай Усенбекұлы, Жетісай ауданы «Жастар ресурстық орталығы» КММ – нің басшысы Мутаев Нұрлыбек Сағынбекұлы, Ғ. Мұратбаев атындағы Жетісай гумманитарлық – техникалық колледжінің директор орынбасары, «Жастар ресурстық орталығы» КММ – нің мамандары, Ғ. Мұратбаев атындағы Жетісай гумманитарлық – техникалық колледжінің педагог – психологы Қалубай Айбала Тілеуқызы, оқу орындарының студенттері және «ЖАҢАРУ» белсенділері қатысты.
Кездесуге 50-ден аса адам қатысып, өз ойларымен бөлісіп, пікір алмасты. Жиын соңында жастар тарапынан түскен ұсыныстар қабылданды.
