«Еңбек — ырыстың бұлағы, Еңбек — бақыттың шырағы»,Қамбасы астыққа толар берекелі күз айы қыркүйектің соңғы аптасы еңбек күні, барша еңбеккерлер мерекесі!
Отырар ауданы мәдениет және тілдерді дамыту, спорт және денешынықтыру бөлімінің ұйымдастыруымен еңбеккерлер мерекесіне орай іс-шара өткізілді.
Бұл күнді мерекелеудің негізгі мақсаты өнімді еңбекті ынталандыру, жастар арасында жұмысшы мамандықтарды насихаттау және Президенттің Жалпыға ортақ еңбек қоғамын құру жөніндегі идеясы шеңберінде жұмысшы әулеттерінің көпжылдық дәстүрлерін нығайту болып табылады.
Іс-шарада аудан әкімінің орынбасары Құлмаханов Айдос Құлмаханұлы және мәдениет, тілдерді дамыту, спорт және денешынықтыру бөлімінің басшысы Құттыбай Сағынтай Тәтібайұлы еңбеккерлерді мерекелерімен құттықтады. Мереке аясында еңбегі сіңген маман иелері алғыс хатпен марапатталып, оларға арнайы сый-сияпаттар табысталды.
«Өз кәсібінің берекесін көріп, атадан балаға мирас етіп отырған көптеген еңбек әулеттерін облыс қана емес республика көлемінде таныта білдік. Жанын сала еңбек етіп, өзінің табысын маңдай терімен тауып отырған адамды қалайша құрметтемеске?! Ол — құрылысшы не сылақшы бола ма, ол жазушы не өнер адамы бола ма, ол — басшы немесе ұстаз бола ма, маңдай терімен жұмыс істей білуі қажет. Мемлекет басшысы Қасым-Жомарт Кемелұлы Тоқаев әр сөзінде масылдық пиғылға жол бермеу туралы айтып келеді. Осы тұрғыда, біз үшін маңдай терін төгіп, тәрбиелеп-өсірген ата-анамыздың еңбегін ақтап, ұрпағымызды еңбекке тәрбиелей білсек – туған жеріміздің дамуына қосқан бір үлесіміз болмақ»,дейді шара ұйымдастырушылары.
Мұнан соң салтанатты шара концерттік бағдарламаға ұласып, аудан өнерпаздарының әуелете салған әсем әндері жиылған көпшіліктің көңіл-күйін көтеріп тастады.
