Жоба «бір терезе» қағидаты бойынша әзірленген. Негізігі мақсаты – азаматтардың өтінішін қабылдау, сол бойынша кеңес беру, барлық мемлекеттік қызметті бір алаңнан көрсету. Әрбір тұрғын өзіне қажетті қызметті рәсімдеу, өтінішін ұсынып, тіркету, өзін қызықтырған сұрақтар бойынша мамандардың кеңесін алуға мүмкіндігі бар. Қазір пилоттық жоба іске асырылып жатқан орталықтарда «Е-өтініш» ақпараттық жүйесі арқылы тұрғындардың өтініштері қабылдануда. Сондай-ақ жаңа жобаны дұрыс пайдалану үшін тұрғындарға түсіндіру жұмыстары жүргізіліп жатыр. Қуаныш Құрбанов, облыс әкімі аппараты өтініштердің қаралуын бақылау бөлімінің басшысы: — Мысалы үшін өтініштердің арасында арыз-шағымдардың ішінде азаматтар өздерін мемлекеттік қызметтер бойынша сұрағын өтініш ретінде тапсырып жатыр. Бұл негізі дұрыс емес. Осы жерде түсіндіріп өту қажет. Мемлекеттік қызметтерді сол жерде отырған ХҚКО мамандарына тапсыру керек. Ал жеке арыз-шағымды «Е-өтініш» ақпараттық жүйесі арқылы тапсыру қажет. Пилоттық жоба мамыр айынан бастап Түркістан қаласы мен Отырар ауданында жүзеге асырылуда. Мамандар осы уақыт аралығында жоба өзінің тиімділігін көрсеткенін айтады. Алайда халық жүйені толық түсінгенше өтініш жазарда мамандардың кеңесіне құлақ түрген дұрыс дейді.
— Өтініш жазардың алдында қандай да болсын. 14-14 қызметіне хабарлассаңыз, олар сізге түсіндіріп айтады. Мысалы мынау мемлекеттік көрсетілетін қызметтерге жатады, сол бойынша мынадай тиісті орынға, осы электрондық үкімет парталы немесе халыққа қызмет көрсету орталықтары арқылы жүгіне аласыз деп тиісті консультатциялық қызмет аласыз,- дейді облыстық цифрландыру, мемлекеттік қызметтер көрсету және архивтер басқармасының басшысы Елнұр Өтебаев.
Түркістан қаласында жыл басынан бастап 15 мамырға дейін 24 мыңнан астам қызмет көрсетілген. Ал 15 мамыр мен 15 қыркүйек аралығында 55 246 мемлекеттік қызмет көрсетіліпті. Яғни көрсетілетін қызметтердің саны екі есеге артқан.
