Сарыағаш ауданы әкімдігі құзырлы орган қызметкерлерімен бірлесіп, Түркістан облысының Бас мемлекеттік санитариялық дәрігерінің 2020 жылғы 06 маусымдағы №23 қаулысына сәйкес, коронавирус індетінің таралуына жол бермеу мақсатында аудан орталығында орналасқан базарлар мен сауда орындарында және жекеменшік медициналық орталықтарда карантин режимін сақтау жөнінде тұрғындар арасында түсіндірме жұмыстарын жүргізді.
Сейілмей тұрған қауіптің алдын алу мақсатында жұмысшы топ мүшелері әр дүңгіршіктерге кіріп, сатушыларға және тұтынушыларға індеттің қауіптілігі жайлы айтып, қазіргі таңда коронавирус дертіне шалдыққандар саны азаймай отыр, сол себепті сақтық шараларын қатаң түрде сақтау қажеттігі ескертілді.
Қауіпті сейілтіп, індетті өршітпеу мақсатында түсіндірме жұмыстары өзге ауылдық округтерінде де жалғасуда.
(с) Сарыағаш ауданы әкімдігінің баспасөз қызметі
