“Күлпаршын” орталық базарын өрт қалдықтарынан тазалау жұмыстары бойынша 170-ке жуық жүк көлігімен 430 тонна қоқыс шығарылды. Таңға дейін базардың 75%-ы тазартылды.
Өмірзақ Шөкеевтің тапсырмасымен базардың жаңа жобасы жасалып жатыр. Сауда нүктелері кәсіпкерлерге жылдың төрт мезгілінде сауда жасауға қолайлы, өрт қауіпсіздігі толықтай сақталатындай етіп салынатын болады.
Базарды тездетіп іске қосу үшін нысан аумағы 6 секторға бөлініп, әр секторда Жетісайға жақын орналасқан Мақтаарал, Сарыағаш, Келес, Шардара, Жетісай және Қазығұрт аудандарының құрылысшылары жұмыс істейді.
Базардағы өрт қалдықтарын тазалауға 100-ге жуық адам мен 20 техника жұмылдырылған.
Жұмыс барысына облыс әкімінің бірінші орынбасары А.Жетпісбай жетекшілік етуде.
Жұмыс екі ауысымда, тәулік бойы атқарылып жатыр.
Өрттен жапа шеккен кәсіпкерлерге көмек беру мақсатында көршілес Мақтаарал, Жетісай ауданының кәсіпкерлерімен облыс әкімінің орынбасары Сәкен Қалқаманов, облыстық мәслихат хатшысы Қайрат Балабиев, Мақтаарал ауданының әкімі Бақыт Асанов, Жетісай ауданының әкімі Мұрат Қадырбек кездесу өткізді.
Өз кезегінде кәсіпкерлер «Күлпаршын» базарында болған өртте тауары өртеніп кеткен саудагерлерге моральдық-материалдық көмек беруге әзір екендіктерін жеткізді.
Жетісайдағы өртенген базар кәсіпкерлеріне шығындарын өтеу мақсатында қор ашылған болатын. Қазіргі таңда ел ішінде аталған қорға қаражат жинау бойынша түсіндірме жұмыстары жүргізілуде.
«Түркістан» Корпоративтік әлеуметтік даму қоры» арқылы тілсіз жаудан жапа шеккен кәсіпкерлерге көмек көрсетуге болады.
Қордың реквизиттері төменде:
БИН 100 440 016 000
«Қазақстан Халық Банкі» АҚ
KZ886010001000002491
БИК HSBKKZKX
Кбе 18
«ForteBank» АҚ
ИИК KZ7196528F0007014
БИК IRTYKZKA
Мекен-жайы: 161200, Қазақстан Республикасы,
Түркістан қ-сы, Қызылорда тас жолы, 34А үйі
e-mail: kfsr_turkestan@mail.ru
Директоры Орынбаев Жандос Мусуралиевич
+7-778-188-87-77
Естеріңізге сала кетйік, 26 тамызға қараған түні Түркістан облысы Жетісай қаласындағы «Күлпаршын ана» базары өртенген соң жұма күні күндіз ондаған саудагер наразылыққа шықты. Олар өртенген заттарына өтемақы талап етті.
Облыс әкімдігінің мәліметінше, базардың жалпы аумағы екі жарым гектар жер. Өрт түнгі сағат 3 шамасында төбесі жабылған сауда орындарынан шыққан. Таңертең бір-ақ өшірілген. Осы уақыт аралығында 900 шаршы метр аумақ өртенген.
