Түркістан облысының әкімі Өмірзақ Шөкеевтің бастамасымен жүзеге асырылып жатқан «Қамқорлық» бағдарламасы Жетісай ауданында да оң нәтижесін беруде. Негізінен аудан бойынша қоғамның қолдауына мұқтаж 141 әлжуаз отбасы тізімге алынған.
Бағдарлама басталғалы әлеуметтік қолдауды қажет ететін жанұялардың баспана, жұмыс, медициналық мәселелері бойынша мұқтаждықтарын қанағаттандыру мақсатында 11 млн 216 мың 800 теңгенің көмегі көрсетілген. Тарқатып айтқанда, оның 1 млн 562 мың 800 теңгесі азық-түлікке, 154 мың теңгесі дәрі-дәрмек пен қатты отынға бағытталған. Ал, 9,5 млн теңгеге екі отбасыға баспананың кілті табыс етілген.
Есепке алынған әлеуметтік қолдауды қажет ететін отбасыларға көмек көрсету үшін аудан әкімдігінің 13 бөлімі, аудандық мәслихаттың 13 депутаты мен кәсіпкерлер, аудан әкімінің орынбасарлары бекітілген. Сауапты іске атсалысуға ниетті азаматтар тізімдегі шаңырақ иелерінің тұрмыс деңгейін жақсарту үшін қажет жағдайларды жасауға, нақтырақ, қысқа мерзімді немесе қайта даярлау курстарына оқуларына, жұмысқа орналасуларына көмектесіп келеді.
Нұртас КЕҢЕСБЕКОВ.
