Түркістанға Орта Азияның алты түркі тілдес елінен волонтерлар жиналды. Бұл туралы Түркістан облысы әкімінің баспасөз қызметі хабарлады.
Түркістанға Орта Азияның алты түркі тілдес елінен волонтерлар жиналды.Жалпы форум қатысушылары волонтерліктің жаңа үрдістерін, волонтерлікті дамытудағы Қазақстанның жақсы тәжірибесін талқылайды.
Өңірімізден спикер ретінде «Қазақстанның Медицина Жастары» РҚБ президенті Абылайхан Әбдіраш; Ерекше қажеттіліктері бар адамдармен жұмыс істеудегі құқық қорғаушы Вениамин Алаев; «Жас Қадам» еріктілер ұйымының жетекшісі Қалдаяқ Гүлім Тарғанбекқызы қатысады.
Жалпы форум екі кезеңнен тұрды:
I кезең. Түркістан облысында халықаралық волонтерлер мен сарапшылардың қатысуымен Қазақстанның волонтерлікті дамытудағы тәжірибесін талқылау, үздік волонтерлік жобаларды таныстыру үшін офлайн форматта пікірталас өтеді. Қатысушыларды білім беру, экология, медицина, жұмысқа орналастыру, инклюзия, бұқаралық спорт, этно-еріктілік, үздік тәжірибелер, шығармашылық аймақ және әлеуметтік шеберхананың жеке бағыттары бойынша ойын практикасы өтеді.
II кезең. Елордада TEDx talks форматындағы қорытынды форум өтеді. Онда панельдік сессиялар, волонтерлік қызмет кеңесі/пулы алаңдары ұйымдастырылып, делегаттар сөз сөйлейді.
Форумға жалпы саны 200 ден аса ерікті қатысуда. Олар 10 аймақтан келген. Өз елімізден өзге, айыр қалпақты ағайындар мен Өзбекстан өкілдері бар. Ақпарат және қоғамдық даму министрлігі ұйымдастырған шара “әлемдік кафе” форматында өтуде.
Айта кетейік, 18-19 тамыз күндері Нұр-Сұлтан қаласында 200-ден астам делегат бас қосады. Онда ТМД бойынша панельдік сессиялар және пікірталас алаңдары өткізілмек. Айта кетейік, бүгінде елімізде волонтерлік ұйымдар мен топтардың саны 3 есеге, тұрақты еріктілер үлесі 4 есеге артқан.
