«Арыс қаласының 66 жылдық мерей тойы» және 11 тамыз «Жастар күніне» орай, салауатты өмір салтын қалыптастыру, жастардың бос уақытын тиімді пайдалану мақсатында, Арыс қаласы «Ішкі саясат бөлімі»ММ, «Жастар ресурстық орталығы» КММ-нің ұйымдастырумен жасөспірім балалар арасында шахмат ойынынан сайыс өткізілді.
Жалпы, шахмат ақыл-ой спорт түрі. Оның мағынасы парсыдан аударғанда патша (шах) өлді (мат) дегенді білдіреді. Әлемдегі кең тараған ойындардың бірі саналады. Оның адам мінезін қалыптастыруда, ақыл-ой қабілетін дамытуда зор маңызы бар.Сондықтан ұйымдастырушылар интеллектуалды ойынның дәл осы түрін таңдаған. Тартысқа толы ойынның нәтижесі бойынша:
I орын- Шынбөрі Аяулым (С. Қожанов мектебі)
II орын — Махаш Дархан (Ә. Жангелдин мектебі)
III орын- Тоқсанбай Сүйінбай (Б. Онтаев мектебі)
III орын — Тоқсанбай Бейімбет (Б. Онтаев мектебі)
Сонымен қатар:
Жас ойыншы номинациясына — Құралбай Әлихан (С.Сейфуллин мектебі)
Үздік жақсы ойын көрсеткені үшін — Нәлібай Нұртілеу (А.Тілеубердин мектебі)
-Байыл Әсет (С.Сейфуллин мектебі)
-Рысбайұлы Нұрсұлтан (Қабылсай жалпы орта мектебі)
— Әбдіхалық Орынбасар (Б.Онтаев мектебі) арнайы «Жастар ресурстық орталығы» КММ-нің басшысы М.Сарыпбекованың алғыс хатымен марапатталып, жүлделі сыйлықтар үлестірілді.
Айта кетейік, 12 тамыз — Халықаралық жастар күні ретінде аталып өтіледі. Бұл күн (International Youth Day) БҰҰ Бас Ассамблеясының қарарына сəйкес 1999 жылғы желтоқсанның 17-інен бастап атап өтіледі (Лиссабон, 1998 жылғы тамыздың 8-і мен 12-і аралығы). Кейбір мемлекеттерде жастар күні мемлекеттік деңгейде аталып өтіледі. Мысалы, Қытай, Түркия, Тунис, Камерун мемлекеттері жастар күніне айрықша маңыз береді.
Биыл жастар күні Арыс қаласының 66 жылдық туған күнімен бірге аталып өтілді.
