2019 жылдың басында Үкімет Қаулысымен Индустрия және инфрақұрылымдық даму министрлігіне қарасты «Жол активтері сапасының ұлттық орталығы» құрылған болатын.
Аталған орталықпен Шымкент қаласының әкімдігі жолдың сапасын арттыру мақсатында арнайы келісім шарт бекітті.
Келісім шартқа сәйкес, қаланың көшелеріне төселген әрбір асфальт қабатының нығыздығы орталық тарапынан тексеруден өтеді. Осыған орай, ҚР ИИДМ «Жол активтері ұлттық сапа орталығы» РМК Шымкент қалалық филиалы жыл басынан бері 179 нысанға сараптама жүргізуді. Нәтижесінде 179 нысаннан 143 ақаулар мен кемшіліктерді анықтады. Анықталған кемшіліктер жөнінде арнайы хаттама түсізіліп, Шымкент қалалық Жолаушылар көлігі және автомобиль жолдары басқармасына тапсырылды.
Айта кетейік, аймақтағы зертханаларға қарағанда жаңа кәсіпорынның міндеті одан да кеңейіп, ауқымы артқан. Оған дәлел, арнайы құрылғылармен жабдықталған жылжымалы зертханасы. Орталық мамандары құрылыс жұмыстары жүріп жатқан жерге барып, қолданыстағы материалдардың сынамасының талапқа сай болуын тексереді.
Жалпы, орталықтың міндеті — автомобиль жолдарына сараптама жүргізу арқылы төселген жолдардың сапасы мен қауіпсіздігін қадағалау.
