Қалалық адами капиталды дамыту бөлімінде «Өзіңе сен, өзіңді алып шығар, Еңбегің мен ақылың екі жақтап» атауында мектеп түлектерімен онлайн басқосу болып өтті.
Облыстық сыбайлас жемқорлыққа қарсы іс – қимыл департаменті мен «Адалдық алаңы» жобалық кеңсесі, қалалық адами капиталды дамыту бөлімдері бірлесіп өткізген шара сыбайлас жемқорлықтың жолын кесу, оған жол бермеуді мақсат етті.
Атаулы жиынға «Адалдық алаңы» жобалық кеңсесінің менеджері Нұржахан Абуова, қалалық адами капиталды дамыту бөлімінің әдістемелік кабинет меңгерушісі Мария Ибраева және барлық мектеп директорлары, олардың оқу ісі жөніндегі орынбасарлары, бітіруші түлектер қатысты.
Шара барысында Ұлттық бірыңғай тестілеудің ережелері түсіндіріліп, бақылау шараларының күшейгені ескертілді. Бітіруші түлектерге өз күштері арқылы кімнің жүйрік екенін, топтан озар шақтың келгені айтылды. Үлкен сыннан сүрінбей өтіп елдің қалаулы, қоғамның үздіктеріне айналуларына тілектестік білдірілді.
