Шымкентте «Қайырымды жан» деп аталатын отандық такси агрегаторы іске қосылды деп хабарлайды Kazus.kz.
Яндекс таксиге бәсекелес болатын онлайн такси сервисі өзінің жұмысын ең алдымен Шымкентте бастап отыр. Болашақта еліміздің барлық аймағын қамтуды жоспарлап отырған бұл агрегатордың ерекшеліктері де жоқ емес.
Такси қызметі өзінің бәсекелесіне қарағанда арзандығымен және әріптестеріне зейнетақы, әлеуметтік төлемдер және салықтық төлемдерді аударып отыру мүмкіндіктерінің барлығымен ерекшеленуде.
Сонымен қатар такси қызметін пайдаланудан түсетін коммисияның 70 % «Қайырымды жан» қайырымдылық қорына аударылып, болашақта мұқтаж адамдарға, сонымен қатар такси қызметіндегі әріптес жүргізушілердің қажеттілігін өтеуге жұмсалатын болады дейді компания басшылығы. Және де қорға жинақталған қаржымен ауылшаруашылығы, өнеркәсіп салаларын дамытуға үлес қосуды да жоспарлап отыр екен.
Осындай отандық өнімдерді пайдалану арқылы біз шетелдік тауарлар мен қызмет түрлерінің кіріптарлығынан құтылып, елдің ақшасының шетел асып кетуінен сақтап, жинақталған қаржыны ел игілігіне пайдалануға мүмкіндік болады.
