13kz.kz
КАЗ
  • Жаңалықтар
  • Қоғам
  • Cаясат
  • Мәдениет
  • Экономика
  • Білім
  • Туризм
  • Спорт
  • Әлемде
  • 13KZTV
No Result
View All Result
  • Жаңалықтар
  • Қоғам
  • Cаясат
  • Мәдениет
  • Экономика
  • Білім
  • Туризм
  • Спорт
  • Әлемде
  • 13KZTV
No Result
View All Result
13kz.kz
No Result
View All Result
Home Жаңалықтар

Түркістан: Дәурен Абаев спорт төрешілерінің еңбекақысын көтеру туралы айтты

1 июля, 2022
in Жаңалықтар
0
Түркістан: Дәурен Абаев спорт төрешілерінің еңбекақысын көтеру туралы айтты
Share on FacebookShare on Twitter

Бүгін Мәдениет және спорт министрі Дәурен Абаев Түркістан облысының тұрғындарымен кездесті. Қатысушылар өңірдегі мәдениет нысандарын қайта құру, туризм мен бұқаралық спортты дамытуға қатысты сұрақтар қойды.

Кездесуге Түркістан облысы әкімінің орынбасары Арман Сабитов модераторлық етті.

– Біздің бүгінгі кездесуіміз – демократияландырудың, бүкіл мемлекеттік биліктің транспаренттілігін арттырудың және атқарушы органдардың жауапкершілігінің тағы бір дәлелі. Мемлекет басшысы Қасым-Жомарт Тоқаевтың тапсырмасы бойынша халықпен тұрақты кездесулер «Жаңа Қазақстан» жақсы белгісі болуы тиіс деп санаймын, – деді министр.

Кездесу барысында Дәурен Абаев соңғы 3 жылда Түркістан облысының туризм саласына инвестиция көлемі 255,8 млрд теңгеге жеткенін атап өтті.

– Қысқа мерзім ішінде облыста 40-тан астам жаңа қонақ үй мен 30-ға жуық мәдени нысан іске қосылып туристерге қызмет көрсетіп отыр. Олардың бірегейі – «Керуен сарай» көпфункционалды туристік кешені. Бұл нысан өңірдің экономикасын дамытуға елеулі үлес қосуда. Жаңа 600 жұмыс орынымен қамтамасыз етіп, 208 млн. АҚШ доллары көлемінде инвестиция тартып отыр. Бүгінгі таңда облыс аумағында жалпы сомасы 86,9 млрд. теңгені құрайтын 35 туристік инвестициялық жоба жүзеге асырылуда, – деді министр.

Министр сонымен бірге Түркістан облысында 685 мәдениет мекемесі жұмыс істейтінін хабарлады. Осы жылы өңірде 3 нысанның құрылысы және 14 мәдениет нысанының жөндеу жұмыстары, сондай-ақ мемлекеттік тілде көзі көрмейтін және нашар көретін азаматтар үшін кітапхана қорын ұлғайту жоспарланған.

Дәурен Абаев басым міндеттердің бірі – бұқаралық спортты дамыту екенін атап өтті. Осы мақсатта Түркістан облысында 5 жаңа нысан салу және 1 спорт нысанын қайта жаңарту көзделген. Сонымен қатар министрлік жұмысының маңызды бағыты – спорт төрешілерінің еңбекақысын арттыру.

– Біз спорт төрешілерінің еңбекақысын көтеруге бастамашы болдық. Үлкен жұмыс атқарылды. Бұл көптеген төрешілер үшін қосымша мотивация болады және мамандықтың беделін арттыруға, жаңа мамандардың келуіне ықпал етеді. Сайып келгенде, барлығы: спортшылар, жанкүйерлер және жалпы сала жеңетініне сенімдімін. Жарыстар да сапалы жаңа деңгейге шығуы керек екені анық. Осылайша, 2024 жылға қарай спорт төрешілерінің жұмысына ақы төлеу БЛЖ-дан 100% — ға дейін ұлғаяды. Бұл мәселе ұзақ уақыт бойы шешілмей келді, – деді министр Дәурен Абаев.

Сонымен халықаралық санаттағы ұлттық төрешілердің базалық лауазымдық еңбекақысы 2654,6 теңгеден 17697 теңгеге дейін, жоғары санаттағы ұлттық судьялардың еңбекақысы 2123,6 теңгеден 15927 теңгеге дейін, жоғары санаттағы ұлттық судьялардың еңбекақысы 2123,6 теңгеден 15927 теңгеге дейін, спорт бойынша ұлттық судьялардың еңбекақысы 1769,7 теңгеден 14158 теңгеге дейін ұлғаяды. Спорт төрешілері – 1238,8 теңгеден 10618 теңгеге дейін, 1415,8 теңгеден 12388 теңгеге дейін. Бұл жарыстың бір күні үшін төленетін төлем. Егер жарыс бірнеше күнге созылса, бұл төлем жарыс күндерінің санына көбейтіледі. Айта кету керек, бұл еңбекақы емес.

Кездесу барысында министр барлық қойылған сұрақтарға жауап берді, сондай-ақ БАҚ үшін брифинг беріп, азаматтарға жеке қабылдау өткізді. Сондай-ақ Дәурен Абаев облыстың бірқатар мәдени-тарихи, спорттық және туристік нысандарын аралады.

ҚР Мәдениет және спорт министрлігінің баспасөз қызметі

 

Previous Post

Түркістан: Түлкібастықтар «Мектебіңе домбыра сыйла» акциясын саурандықтарға жолдады

Next Post

Шымкентте импорт алмастырушы екі жаңа зауыттың ашылуы жоспарлануда

Добавить комментарий Отменить ответ

Ваш адрес email не будет опубликован. Обязательные поля помечены *

Барлық құқықтары қорғалған.
2020 жылдың 25 ақпанындағы
№KZ66VPY00020666 куәлігі

     13kz.kz ақпарат агенттігі

Сайт әкімшілігі материалды
көшіріп басу кезінде 13kz.kz
сайтына тікелей гиперсілтеме
көрсетуді талап етеді


Сайттың ескі нұсқасы.
No Result
View All Result
  • Жаңалықтар
  • Cаясат
  • Қоғам
  • Билік
  • Экономика
  • Туризм
  • 13KZTV
  • Әлемде

13kz.kz ақпарат агенттігі