Бүгін Түркістан облысында мектеп бітірген 10 мыңнан астам түлекке ерекше жағдайда атестат табысталды. Жыл сайын салтанатты түрде көптеген қонақтардың қатысумен өтетін шараға биыл тек түлектер мен ұстаздар ғана қатысты. Сонымен қатар, биыл атестат тапсыру рәсімі әр сыныпқа жеке – жеке ұйымдастырылды.
Түркістандағы Некрасов атындағы №9 мектеп – гимназиясын биыл 4 сыныпта 92 түлек бітіріп жатыр. Осыған байланысты атестат тапсыру салтанаты ұйымдастырылды. Елдегі қалыптасқан жағдайға байланысты, түлектер сапта тұрғанда арақашықтықты сақтап, ұл-қызының қуанышты сәтін көруге келген ата-аналар тек сырттай ғана бақылады. Пандемияға байланысты атестат тапсыру кезінде ешқандай мерекелік қойылымдар болмады. Тек ұстаздар ғана шәкірттеріне ақ жол тіледі.
Жаңыл Орынбаева – Н. Некрасов атындағы №19 мектеп-гимназиясының директоры 92 оқушының биыл 4 алтын белгіге мектеп бітіріп отыр. Олар өздері таңдаған пәндері бойынша ҰБТ-да жоғары балл жинайды деген сенімдеміз. Сәттілік тілейміз. Барлық уақытта адамға сәттілік керек қой. Оқу жылының сәтті аяқталуымен барлығын құттықтаймын.
Мектепті үздік бітіргендердің бірі Ләззат Сағынтаева. Болашақта журналист болуды армандаған жас түлек бүгін қолына 11 жыл үздік оқығанын айғақтайтын құжатын алды. Сынаптастары атынан ұстаздарына алғысын айтып, замандастарына сәттілік тіледі.
Ләззат Сағынтаева – жас түлек
Мен өзімнің достарыма ҰБТ да 140 балл жинап өздерінің арман мақсаттарын жүзеге асыруына тілектеспін. Мен үшін ҰБТ өте қорқынышты сәт деп айтуыма болады. Өйткені, тағдырыңды шешеді. Қайда оқитыныңды шешеді. Өте тебіреністі сәт. Сол үшін барлығына сәттілік тілеймін. Ұстаздарыма достарыма мың алғыс.
Айтып өтейік, биыл қалыптасқан жағдайға байланысты мектеп бітіруші түлектер қорытындылау емтихандарын тапсырған жоқ. Оларға баға алдыңғы тоқсандардың қорытындысы негізінде қойылды. Сонымен қатар, соңғы тоқсан қашықтықтан оқытылды. Енді шәкірттер бақтары мен өз білімдерін маусымның 25-і мен шілденің 5-і аралығында өтетін ұлттық бірыңғай тестте сынайтын болады.
М. Жарылқасын
