ҚР Рәміздерінің 30 жылдығына орай, Түркістан облысы, Қазығұрт ауданының Жаңабазар ауылында 2 жабық кіші футбол алаңшасы пайдалануға берілді. Алаңды ауыл азаматы, кәсіпкер Тұяқбаев Бақберген өз қаржысына салып берді. Жасанды алаң мен жабық ғимарат кез-келген мезгілде доп тебуге ыңғайлы. Бұл әсіресе жастар үшін үлкен қуаныш болып отыр. Спорт десе ішкен асын жерге қояр жас өспірімдер дәл осындай ыңғайлы спорт кешенін көпткен күткен еді. Енді міне үй ауласына жақын жерден бой көтерген нысан салауатты өмір салтын ұстанатын, болашақ спортшылар шығады деген үлкен сенім мол. Жалпы алдағы уақытта спорт кешендері сұранысқа сай ел игілігіне көптеп берілетін болады. Ал ең бастысы бұл кешен біздің жасөспірімдер, жастар үшін өте керемет сыйлық болғаны анық. Жалпы кешен барлық қажетті құрал-жабдықтармен жабдықталған. «Мықты және дені сау жас ұрпақты тәрбиелеу — еліміздің әлеуметтік саясатының басты міндеттерінің бірі. Біздің ауданда жаңа спорт ғимараттары мен кешендердің құрылысы қарқынды жүріп жатыр. Салауатты өмір салтын насихаттау бастамасын қолдаймыз-деді аудан әкімі. Яғни Футбол алаңының ашылу салтанатына аудан әкімі Арман Айдарұлы, ауыл азаматтары, спорт сүйер қауым қатысты.
– Өз өмірін кәсіби спортпен байланыстырғысы келетіндер осы спорт кешеннен табылатынына сенімдімін, – деді аудан әкімі.
Ашылу салтанаты аясында аудандық турнир ұйымдастырылып, жарысқа 10 команда қатысты. Ойын тартысты өтіп, жеңімпаз бен жүлдегер командаларға, үздік ойыншыларға демеушілер тарапынан арнайы мақтау қағаздары мен дипломдар тапсырылды.
Түркістан облысы әкімінің баспасөз қызметі
