Түркістан қаласындағы «Turkistan Arena» стадионында БАҚ өкілдерінің арасында спартакиада басталды. Биылғы төл мерекесінде Түркістан облысының БАҚ өкілдері 27 мамыр мен 17-18 маусым күндері спартакиада аясында спорттың 7 түрінен бақ сынайды. «Turkistan Arena» стадионында өткен спартакиаданың ашылу салтанатына Түркістан облысы әкімінің орынбасары Сәкен Қалқаманов, Түркістан облыстық мәслихатының хатшысы Қайрат Балабиев, «Amanat» партиясы Түркістан облыстық филиалының Атқарушы хатшысы, фракция жетекшісі Бейсен Тәжібаев, Қазақстан Журналистер одағының Түркістан облыстық филиалының төрағасы Ғалымжан Елшібай қатысып, БАҚ өкілдеріне сәттілік тіледі.
-БАҚ өкілдері арасындағы спартакиада жыл сайын дәстүрлі түрде ұйымдастырылады.Биылғы жарысқа біз Түркістан облысынан бөлек, Шымкент қаласынан да әріптестерімізді қатыстыруға мүмкіндік жасадық.Бұл журналистер арасындағы достық пен бауырмалдықты, әріптестік қарым-қатынасты нығайта түсетін іс-шара.Сондай-ақ биыл спорттың әрбір түрінен өңір журналистикасының дамуына үлес қосқан марқұм болған әріптестеріміздің атындағы арнайы жүлделер тағайындап отырмыз. Бұл олардың рухына деген тағзым деп есептейміз. Барлық қатысушыларға сәттілік тілейміз – деді Ғ.Елшібай.
Бүгін қазақ күресі, үстел теннисі, бильярд, шахматтан өтеді.
Ал 17-18 маусым күндері спартакиаданың жалғасы бойынша шағын футбол, волейбол және арқан тарту жарыстары өткізіледі. Биылғы төл мерекесінде Түркістан облысының БАҚ өкілдері 27 мамыр мен 17-18 маусым күндері спартакиада аясында спорттың 7 түрінен бақ сынайды. 27 мамыр күні — қазақ күресі, үстел теннисі, бильярд, шахматтан өтеді. Айта кету керек, сол күні, яғни 27 мамыр күні Дүниежүзілік темекі шегуге қарсы күрес күніне орай «Денсаулыққа қарай 10 000 қадам» атты жаяу жүру акциясы да өтеді. Ал 17-18 маусым күндері спартакиаданың жалғасы бойынша шағын футбол, волейбол және арқан тарту жарыстары өткізіледі.
