Арыстықтар да рәміздер мерекесін ерекше атап өтті. Қаладағы белсенді жастар автошеруге шықты. Бұл шараны ұйымдастыруға қалалық ішкі саясат бөлімі ұйытқы болды. Ал көпқабатты үйлердің тұрғындары үй терезесінен ту желбіретін, партиоттық сезімдерін жеткізді.
Арыс қалалық ішкі саясат бөлімі ұйымдастырған шеру карантин талаптарын бұзған жоқ. Барлығы 15-тен астам автокөлік 15 шақырым жолды жүріп өтті. Көк туды желбіретіп жүріп өткен автокөліктер қала тұрғындарын ерекше сезімге бөледі.Тіпті өзге елден келген қонақтар да мерекенің лебіз сезінді.
Стенли Нкокби – Эфиопия елінің азаматы
Құрметті қазақ елі бүгінгі мереке құтты болсын. Баршаңызды құттықтаймын.,
Белсенді жастардан қала тұрғындары да қалыспады. Олар өздері тұратын көпқабатты үйлерден ту желбіретіп, Отансүйгіштіктің үлгісін көрсетті.
Әлемді дендеген қауіпті дерт жаңашылдықты қажет етті. Ал, Арыстықтар мұны дер кезінде қабылдап, мемлекеттік рәміздер мерекесін жаңа идеямен атап өтті.
Н.Кенжехан
