Келес – ауылшаруашылығы қарқынды дамыған аймақ. Жер емген диқандар қара күзде егінін жинап алса, ал жылыжайдағы жұмыстар жыл он екі айға жалғасып жатады. Сондықтан мұндағы науқандық жұмыстар жыл бойы толастамайды. Ал одан бөлек маусымдық жұмыстар тағы бар. Қазір келес өңірінің қай тұсына барсаңыз да дамылсыз еңбек еткен диқандарды көресіз. Бұйыртса, ол еңбектің өтеуі де жақын қалғандай. Өйткені, алқаптардағы бірқатар бау – бақша өнімдері пісіп, жиналу үстінде.
округіне қарасты Ащыкөл елдімекенінде орналасқан «Жамбыл» өндірістік кооператвиі. Шаруашылық диқандары мұнда 80 гектар жерге озық технологияны қолдана отырып қарбыз еккен. Өнім сапасы жаман емес. Мұнда 5 адам тұрақты жұмыспен қамтылса, ал маусымдық жұмысқа 60 адам тартылып отыр. Бұйыртса, жақын күндері жиналған өнімдер Ресей мен өзіміздің ел аумағына жөнелтілмек.
Маханбет Қасымбеков «Жамбыл» ӨК басшысы
Ал, Біртілек ауыл округі, Ораз ата елдімекеніндегі «Нұржан» шаруа қожалығын бақша өнімдерін өсіретін ғылыми- зерттеу орталығы деуге болатындай. Өйткені, мұндағы 6 гектарға жуық жылыжайда қияр мен қызанақтан бөлек қауын мен қарбыздың, құлпынай мен болгар бұрыштарының сан алуан түрлері егіліп, сұрыпталады екен.
Нұржан Омаров «Нұржан» шаруа қожалығының жетекшісі
Жалпы, бұл шаруашылықтың да негізгі мақсаты- озық технологияны қолдана отырып, өнім өндіру және тұрғындарды түрлі көшеттермен қамтамасыз ету. Ал өндірілген өнімдерді өз аймағымыздан бөлек Астана мен Алматы қалаларына және солтүстік облыстарға жіберілу жоспарланған. Бүгінгі таңда мұнда 10 адам тұрақты жұмыспен қамтылса, ал маусымдық жұмыстарға 40- қа жуық адам тартылған. Олардың бәрі де жергілікті тұрғындар.
М. Атабек (shymkenttv.kz)
