ҚР мәжіліс депутаты, Республикалық штабтың мүшесі Оспанов Берік Серікұлы Тассай индустриалды аймағында болып, кәсіпорын жұмысшыларымен кездесті.
Кездесуде Мемлекет басшысының Жарлығына сәйкес «2022 жылғы 5 маусымда республикалық референдум өткізу» мәселесі туралы түсіндіру жұмысы жүргізілді. Яғни Конституция жобасы референдумда қолдау табатын болса, елімізді қандай өзгерістер күтіп тұрғаны туралы айтылды. Мәжіліс депутаты референдумның маңыздылығына тоқталып, Парламенттің рөлі мен мәртебесінің өзгеруі жөнінде толығырақ түсіндірді.
— «Мәжіліс аралас сайлау жүйесі бойынша партиялық тізімдер негізінде және бір мандатты аумақтық округтер бойынша құрылатын болады. Бұдан басқа, Мәжіліс заңдарды өз бетінше қабылдауға құқылы. Жалпы, Парламенттің рөлі нығайып, сол арқылы мемлекеттің институционалдық тұрақтылығы артады», — деді Берік Оспанов.
Жиынға қатысушылар, Конституцияға енгізілетін өзгерістер мен толықтыруларға қатысты қызығушылық білдіріп, өз сауалдарын қойып, толығырақ мәлімет алды.
