Бүгінгі таңда Қазақстанның қазіргі заманғы тарихының айтулы сәттері өтуде. Ел Президенті бастаған саяси жүйедегі өзгерістерге «AMANAT» партиясы жан-жақты қолдау көрсетуде. Мемлекет басшысы партия жұмысын халық игілігіне құруға айрықша мән берді. Болашақ жеңістерге, ұзақмерзімді көшбасшылық стратегиясын тиімді жүзеге асыруға берік негіз қаланды.
Бүгінгі таңда елімізде өзгерістер ерекше қарқынмен жүріп жатыр. Қасым-Жомарт Кемелұлының бастамасымен елімізде жүргізіліп отырған реформалар мемлекетіміздің саяси сәулетін кешенді қайта форматтауға, билік тармақтары арасында тежеу мен тепе-теңдік жүйесін қалыптастыруға бағытталған. Еліміз басқарудың суперпрезиденттік формасынан түбегейлі бас тартып, Парламенттің, мәслихаттардың өкілеттіктерін күшейтіледі. Басымдықтардың бірі — партиялық-саяси саланы жаңғырту. Партиялық және сайлау заңнамасын ырықтандыру биліктің барлық деңгейлерінде қабылданатын шешімдердегі қоғам рөлін нығайтады. Сайлаушылардың дауысы үшін бәсекелестік барынша өткірлене түседі.
Жыл басынан бері партияның бірнеше съезі өтіп, онда мемлекет пен қоғамды түбегейлі жаңарту жолында маңызды шешімдер қабылданды. Партияға ребрендинг жасау қолға алынып, оны институционалдық тұрғыдан жаңарту жұмысы басталды. Партия бұл міндеттерді орындауға дереу кірісіп кетті. Бүгінгі таңда нақты нәтижелерге қол жеткізілді.
Сондай-ақ, Мемлекет басшысы Қасым-Жомарт Кемелұлы Тоқаев Қазақстан халқы Ассамблеясының ХХХІ сессиясында еліміздің бүгіні мен болашағына қатысты тың бастамалар туралы айтты. Оның ішінде қоғам тарапынан бірден қызу қолдау тапқан Ата заңға өзгерістер мен толықтырулар енгізу жөнінде республикалық референдум өткізу туралы ұсыныстың маңызы жоғары. Осы ретте Президентіміздің ұсынысы халықтың талап-тілегі мен сұранысынан туындағанын атап өткім келеді.
Ендігі кезде ел болып бірігіп, Қазақстанның тұрақты дамуы мен кемелденуі жолындағы өзгерістердің жаңа деңгейіне қадам басуға әрқашанда дайынбыз.
Түркістан облыстық мәслихатының депутаты,
«AMANAT» партиясының фракциясы мүшесі
БАДРИТДИН НИШАНКУЛОВ
