кіметтің кеңейтілген отырысында Қазақстан Президенті Қасым-Жомарт Тоқаев әлеуметтік әл-ауқаттың тұрғын үй мәселесімен тікелей байланысты екенін және болашақта тұрғын үй құрылысы Үкімет жұмысындағы басымдықты бағыт болуы тиіс екенін атап айтты. Сонымен қоса, тұрғын үй құрылысы әлеуметтік мәселелерді шеше отырып, экономикалық өсімнің локомотиві бола алады. 2020 жылдың 4 айының қорытындысы бойынша Қазақстандағы тұрғын үй құрылысының барысы туралы PrimeMinister.kz сайтында жарияланды, — деп хабарлайды «Turkistan-media» ақпараттық порталы
Тұрғын үймен қамтамасыз ету бойынша мемлекет саясатын іске асырудың тиімділігін арттыру және ағымдағы құрылыс көлемін қолдау үшін Мемлекет басшысы Үкіметтің «Нұрлы жер» мемлекеттік бағдарламасын іске асыруға қосымша 390 млрд теңге қаражат бөлу туралы ұсынысын мақұлдады.
Түркістан облысында 2020 жылы «Нұрлы жер» мемлекеттік тұрғын үй бағдарламасының аясында мемлекеттік бюджет есебінен 158 нысанның құрылысына 36,6 млрд теңге бөлінді. Жыл қорытындысы бойынша 70 нысан пайдалануға тапсырылады. Нәтижесінде 2430 отбасы баспанамен қамтамасыз етіліп, 3604 жеке жер учаскелеріне инфрақұрылым жүйелері жүргізілетін болады.
2020 жылы мемлекеттік бюджет есебінен сатып алу құқығынсыз жалға берілетін 40 көпқабатты тұрғын үй құрылысы жүргізілуде. Оның ішінде, жыл қорытындысымен 18 тұрғын үйді пайдалануға тапсыру жоспарланған.
Бағдарламаның үшінші бағыты бойынша ағымдағы жылы тұрғын үйлер құрылысы үшін барлығы 30 инженерлік инфрақұрылым нысандарының құрылысына 3,5 млрд теңге бағытталды.
Жыл қорытындысы бойынша 28 нысанды пайдалануға тапсыру жоспарланса, 2 нысан 2021 жылға өтпелі.
2019-2020 жылдары 0,35%-бен құнды қағаздарды (облигация) сату есебінен 7 қабатты 24 тұрғын үйдің құрылысы жүргізілуде, нысандар 2020 жылы пайдалануға тапсырылады.
Сонымен қатар, құнды қағаздарды сату есебінен (облигация) Түркістан қаласы әкімшілік іскерлік орталығында жаңадан 7, 9 және 12 қабатты 64 тұрғын үйлердің құрылысын жүргізуге 4,25%-бен 14,2 млрд теңге бөлінді.
Облыстағы мемлекеттік «Нұрлы жер» бағдарламасы сапалы орындалуы қатаң бақылауға алынған.
