Әскери қызметшілер сыбайлас жемқорлыққа қарсы семинар өткізді

Жеке құрам арасында сыбайлас жемқорлыққа жол бермеу, парасаттылық құндылықтарын қалыптастыру мақсатында Қазақстан Республикасы Ұлттық ұланының 6698 әскери бөлімінде жиын өтті.
Жемқорлықтың алдын алуға бағытталған іс-шараға Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің бас маманы Ж.Әлжанова қатысып, заңға енгізілген өзгерістерден, жемқорлықтың алдын алу мақсатында қолға алынған жобалармен таныстырды.
Сонымен қатар, іс-шарада еліміздің сыбайлас жемқорлыққа қарсы саясатының 2022-2026 жылдарға арналған тұжырымдамасы мен оның негізгі бағыттары талқыланды. Тұжырымдамадағы жаңашылықтардың бірі негізсіз баю және шығыстардың кірістерден асып кетуі үшін жауапкершілікті енгізу болып табылатынын атап өтті.
Кездесу соңында қатысушылардың сұрақтарына жауаптар беріліп, бүгінгі өткізілген кездесуден қорытынды шығаруға және өздеріне жүктелген міндеттерін адал атқаруға шақырылды.
Айта кетейік, осы тұрғыдағы кездесу Қазақстан Республикасы Ұлттық ұланының 6506 әскери бөлімінің жеке құрамымен де өтті.