Әлеуметтік маңызы бар азық-түлік тауарларының бағаларын тұрақтандыру мақсатында Шардара ауданына әлеуметтік кәсіпкерлік «Тұрақтандыру қорынан» 3 тонна картоп пен 1 тонна сәбіз жеткізілді. Бұған дейін нарықтағы картоптың бағасы 200-220 теңге, сәбіздің бағасы 250 теңгені құрайтын. Ал, арнайы қордан жеткізілген картоп пен сәбіз бірыңғай 140 теңгеден сатылуда.
Аудандық кәсіпкерлік бөлімі әлеуметтік азық-түлік бағаларына ұдайы мониторинг жүргізуде. Мониторингтік бақылау нәтижесінде өткен аймен салыстырғанда азық-түлік бағаларының өспегендігі анықталып отыр. Мамандар әлеуметтік тауарлар алдағы уақытта қосымша жеткізілетіндігін айтты.
