Ашынған халық Шымкент қаласы әкімдігіне басып кірді

Шымкент қаласы Тұран шағын ауданының тұрғындары газдың берілуін талап етуде. Шағымданушылардың айтуынша, қоныстанғандарына 4-5 ай өтсе де әлі күнге тұрғын үйлерге газ берілмеген. Жауаптылар осы кезге дейін құрғақ уәдемен шектелген. Аталған көпқабатты үйлерде жылыту жүйесі газбен жұмыс жасайды. Онда негізінен жас отбасылар мен көпбалалы аналар тұрады. Тұрғындардың сөзіншe күннің суығынан жас балалар жаппай тұмауратып ауырып жатыр. Тамақ жасауға мүмкіндік мүлдем жоқ. Жарық та жиі сөніп қалады екен. Қатты қиналған тұрғындар бүгін шаһар басшысы Мұрат Әйтеновтен мәселені шешіп беруді талап етті.