«Мегаполисте тұрсақ та, жағдайымыз ауылдан мүшкіл». Тассайлықтар Мұрат Әйтеновтен мәселені шешіп беруді талап етті.
Шымкент қаласы Тассай тұрғын алабының (190 квартал) тұрғындары 10 жылдан бері жолға жарымай отыр. Айтуларынша, топырақ көшемен көлік түгілі жаяу адамның өзі әрең жүреді. Жаңбыр жауса, халық батпаққа белшеден батады. Әсіресе қарт адамдар мен оқушылар қатты қиналуда.
-Көшемізге такси мен жедел-жәрдем мүлдем кіре алмайды. Ашынған жұрт мегаполисте тұрып, халіміз ауылдан мүшкіл,- дейді. Тассайлық тұрғындар жолдың жағдайымен танысуға Мұрат Әйтеновтің өзін шақыруда.
