Бүгін Түркістан қаласының Конгресс-холлында Қазақстан Республикасы Жоғарғы Сотының Германялық «GIZ» халықаралық ынтымақтастық жөніндегі қоғамымен бірлесіп өткізетін Қазақстанның оңтүстік өңірінің судьяларына арналған екі күндік семинары өз жұмысын бастады. Әкімшілік рәсімдік-процестік кодексті іске асыру бойынша осындай семинарлар еліміздің бес өңірінде өткізу жоспарланған.
Семинарға Алматы, Шымкент қалалық, Алматы, Жамбыл және Қызылорда облыстық соттарының әкімшілік соттарының және апелляциялық саты алқаларының төрағалары мен судьялары офлайн режимде, ал оңтүстік өңірлердегі әкімшілік соттардың судьялары онлайн форматта қатысады.
Шара барысында Қазақстан Республикасы Жоғарғы Сотының судьясы Аслан Тукиев Берлин қалалық (Германия) әкімшілік сотының судьясы Йорг Пуделька, Әзірбайжан Жоғарғы Сотының судьясы Саяд Каримов, Резекне қалалық (Латвия) әкімшілік сотының төрағасы Станислав Линкевич және заң ғылымдарының кандидаты, GIZ үйлестірушісі Алмат Ғаббасов сынды шетелдік әріптестерімен бірлесіп, әкімшілік талап-арыздарды қарау тәжірибесімен бөліседі.
