Шымкент қаласындағы Әл-Фараби ғылыми-әмбебап кітапханасында №80 мектеп-лицейінің «Жас Сарбаз» әскери-патриоттық сыныбының оқушыларына ерлік сабағы өтті. Болашақ Отан қорғаушыларымен кездесуге Қарулы Күштердің ардагерлері келді.
Жас сарбаздар бұл кездесуді қатты күтті, және осындай қызығушылық ұрпақтардың берік байланысы мен жасөспірімдердің ардагерлерге деген сенімін білдірді, ал ардагерлер болса өз кезегінде естеліктерімен бөлісті.
Ардагерлермен кездесу балаларды жаңа жетістіктерге шабыттандырып патриотизм сезімін нығайта түсті.
«Біздің сыныптың оқушыларында тарихқа қызығушылығы көп. Біз үшін бүгін естіген алғашқы ақпарат өте маңызды және қызықты болды. Біз ардагерлердің өмірлік және қызметтік тәжірибелерімен танысқанымызға ризамыз. Мұндай аға буын мен балаларды байланыстыратын дәрістер өте маңызды. Бұл еліміздің тарихы және біз оны білуіміз тиіс», — деді №80 мектебінің оқушысы Дінмұхамет Полатов.
Ардагерлер балаларға барлық бастамаларына сәттілік тілеп, «Жас Сарбаз» қозғалысы еліміз үшін маңызы зор екенін атап өтті. Шымкент қаласының қорғаныс істері жөніндегі департамент бастығының орынбасары подполковник Ринат Мадьяров барлық жас патриоттар атынан ардагерлерге біздің қазіргі армиямыздың қалыптасуына өлшеусіз үлес қосқаны үшін алғыс айтты.
Әрине, әскери-патриоттық жұмыстың дәл осындай «жанды» әдістердің жастарға берер әсері көп.
