Ұлы мереке — Жеңіс күні Шымкент гарнизонының әскери қызметшілері, қаланың әскери-патриоттық клубтарының тәрбиеленушілері және «Жас Сарбаз» сыныптарының оқушылары Ұлы Отан соғысының ардагерлерін құттықтады.
Әскери қызметшілер Ұлы Отан соғысының барлық ардагерлерінде қонақта болып, үйінің терезелерінің астында көшпелі концерт ұйымдастырды. Әскери музыканттар ардагерге арнап «Жеңіс күні», «Катюша» және т.б. музыкалық композициялар мен соғыс жылдарындағы әндерді орындады. Майдан жылдарының әуендерін Шымкентте орналасқан «Оңтүстік» өңірлік қолбасшылығының механикаландырылған бригада оркестрі орындады.
«Біз үшін Жеңіс ардагерлеріне көмек көрсету және қолдау көрсету үлкен мақтаныш және құрмет. Осындай жұмысты біз тек Ұлы Жеңіс Күнін тойлау кезінде ғана емес, басқа да күндерде тұрақты өткізіп отырамыз, сондықтан ардагерлер гарнизонның әскери қызметшілерін, әскери-патриоттық клубтар мен «Жас Сарбаз» сыныптарының белсенділерін қуанышпен қарсы алады. Бұл біздің қорғаушыларымызға әлемдегі бейбітшілік үшін жасаған ұлы ерлігі үшін алғысымыз», — деп атап өтті механикаландырылған бригада командирінің орынбасары подполковник Азамат Нұрмаханов.
Әскери қызметшілер және мектеп оқушыларымен әңгімелесу барысында ардагерлер өздерінің майдан және еңбек жылдары туралы естеліктерімен бөлісті.
Сондай-ақ гарнизон басшылығы атынан ардагерлерге әскери қызметшілер мен жас патриоттардың атаулы ашықхаттары мен сыйлықтары табыс етілді.
Шымкент гарнизонының баспасөз қызметі
