Ертең Бішкекте дзюдодан Азия мен мұхит жағалауы елдерінің чемпионаты басталады. Қырғыз Республикасының астанасына 30 мемлекеттің 215 татами шебері (122 ер мен 93 әйел) жиналады.
Бұл бәсекеге қатысатын Қазақстан құрамасының спортшылары:
Ерлер: Елдос Сметов пен Ғұсман Қырғызбаев (60 кг), Елдос Жұмаханов (66 кг), Жансай Смағұлов (73 кг), Дидар Хамза мен Руслан Мұсаев (81 кг), Ислам Бозбаев (90 кг), Айбек Серікбаев (100 кг) және Ерасыл Қажыбаев (+100 кг).
Әйелдер: Отгонцэцэг Галбадрах пен Әбиба Әбужақынова (48 кг), Ғалия Тынбаева мен Нұрсұлу Ералиева (52 кг), Севара Нишанбаева (57 кг), Иоланта Бердібекова (63 кг), Зере Бектасқызы (70 кг) және Камила Берліқаш (+78 кг).
